អ្នកគ្រប់គ្រងផលិតកម្មបាននិយាយថា សមាជិក 2AM លោក Jinwoon បានបំពេញការវះកាត់ និងព្យាបាល ផ្នែកកជើងខាងស្តាំ បន្ទាប់រងរបួស ជាមួយនឹងរថយន្ត ២៥ តោន។
ថ្មីៗនេះដែរ ខាងផលិតកម្ម Big Hit Entertainment បានផ្តល់ព័ត៌មានទាក់ទងនិងតារាចម្រៀង Jinwoon ថាបានបញ្ចប់ការវះកាត់ កជើង ខាងស្តាំងបន្ទាប់ពីគ្រោះថ្នាក់ចរាចរណ៍ កើតឡើង ។ លទ្ធផលនៃការវះកាត់ គឺមិនទាន់បានប្រកាសជាផ្លូវការនៅឡើយនោះទេ ប៉ុន្តែខាងគ្រូពេទ្យ បាននិយាយថា Jinwoon ត្រូវការពេលសម្រាក និងទទួលការថែរក្សាពីគ្រូពេទ្យ ដើម្បីតាមដានស្ថានភាពរបួស។
មុននេះដែរ ខាងក្រុមហ៊ុនបានប្រកាស ព័ត៌មានថា Jinwoon បានទទួលរងគ្រោះថ្នាក់ចរាចរណ៍ នៅថ្ងៃទី ៦ ខែ ១០ ឆ្នាំ ២០១៣ វេលាម៉ោង ២៣ និង ៣០ នាទី ដែលជាម៉ោងក្នុងស្រុកកូរ៉េ ។ តាមប្រភពព័ត៌មានបានឲ្យដឹងថា តារាចម្រៀងរូបនេះ បានរបួសកជើងខាងស្តាំ និងហែកសាច់ជើងប្រវែង ១០ សង់ទីម៉ែត្រ ។ ហេតុការណ៍ដ៏អាក្រក់ដែលកើតឡើងសម្រាប់តារាចម្រៀងរូបនេះ បានកើតឡើង នៅលើផ្លូវនាទីក្រុងសេអ៊ូល បន្ទាប់ពីវិលពីការសម្តែង និងត្រូវបានគេបញ្ចូនទៅកាន់មន្ទីរពេទ្យកៀកនោះ ៕
មតិយោបល់