ចំនួនភ្ញៀវទេសចរបរទេសដែលមកទស្សនានៅក្នុងប្រទេសអេស្ប៉ាញ បានកើនឡើង ៤,៧ភាគរយនៅក្នុងខែកញ្ញា ចំនួន ៦,៥លាននាក់ បើធៀបទៅនឹងឆ្នាំមុន។ នេះបើយោងតាមរបាយការណ៍ក្រសួងឧស្សាហកម្ម ថាមពល និងទេសចររបស់ឲ្យដឹងនៅថ្ងៃអង្គារម្សិលមិញ។
ចំនួននៃភ្ញៀវទេសចរអន្តរជាតិនៅក្នុងប្រទេសអេស្ប៉ាញនាខែកញ្ញាបានកើនឡើងរហូតក្លាយជាកំណត់ត្រាថ្មី។ អេស្ប៉ាញបានទទួលភ្ញៀវទេសចរចំនួន ១,៨លាននាក់ចាប់តាំងពីខែសីហា រហូតដល់កញ្ញា។
ក្រសួងបានរាយការណ៍ថា ចំនួនភ្ញៀវទេសចរ បរទេស បានកើនឡើង ២៩៤.០០០នាក់ ពី ខែកញ្ញាឆ្នាំ ២០១៣ ធៀបទៅនឹងរយៈពេលដូចគ្នានៃឆ្នាំ ២០១៣ ជាពិសេស អរគុណ ដល់ភ្ញៀវទេសចរ ដែលមកពីប្រទេសរុស្ស៊ី និងបែលហ្សិក ដោយបានកើន ឡើងជាង ២០ភាគរយ។
ប្រទេសអេស្ប៉ាញ គឺត្រូវបានគេរំពឹងថានឹង ទទួលបានភ្ញៀវទេសចរសរុបចំនួន ៦០ លាននាក់ នៅចុងនៃឆ្នាំ ២០១៣ ដែលអាចជួយឲ្យ ប្រទេសនេះ សម្រេចគោលដៅ ជាប្រទេសដែលមានភ្ញៀវទេសចរណ៍ដ៏សំខាន់បំផុតលំដាប់ទីបីនៅលើពិភពលោក នៅក្នុង លក្ខខណ្ឌនៃ ភ្ញៀវទេសចរ ចំណែកប្រទេសចិនដើម្បីជាប្រទេសទីបួន។ នេះបើយោងតាម អង្គការសហប្រជាជាតិទេសចរណ៍ពិភពលោក( UNWTO )។
ចំនួនភ្ញៀវទេសចរបរទេសដ៏ច្រើននេះ បានជួយជំរុញវិស័យសេដ្ឋកិច្ចរបស់ ប្រទេសអេស្ប៉ាញ ក្នុងអំឡុងពេលរដូវក្តៅ បង្ខំឲ្យកន្លែងមួយចំនួនសម្រេចចិត្តជ្រើសរើសកម្មករ ឬបុគ្គលិកបន្ថែមទៀតដើម្បី ប្រឈមមុខនឹងតម្រូវការ៕
មតិយោបល់