ទំព័រហ្វេសប៊ុកមួយដែលមានឈ្មោះថា Anti Copy Song ដែលមានឡូហ្គោ តំណាងទំព័រនេះ “ចំ” ត្រូវបានគេដឹងថាជាទំព័រ ដែលប្រឆាំង ទៅនឹង ចម្រៀងទាំងឡាយណាក្នុងស្រុកខ្មែរ ចម្លងពីគេ និងធ្វើការរិះគន់ដើម្បីស្ថាបនា ទៅលើ ឧស្សាហកម្មតន្ត្រីខ្មែរមួយនេះ។
យើងសង្កេតឃើញថា មួយរយៈចុងក្រោយមកនេះ ក្រោយពីការរិះគន់ពីសំណាក់មហាជននានា បូកផ្សំ និងទំព័រ ប្រឆាំងមួយនេះ វិស័យឧស្សាកម្មតន្ត្រីខ្មែរ ផ្នែកចម្រៀងសម័យ ដែលជាស្នាដៃកូនខ្មែរបាន កើតឡើងវិញ ដោយក្នុងនោះមានផលិតកម្ម ហង្សមាស ថោន និង LD Picture បាន នាំគ្នាបង្កើតស្នាដៃ ជារបស់កូនខ្មែរ ដើម្បីបម្រើដល់ស្រទាប់មហាជនរបស់ខ្លួន។ ការបង្កើតស្នាដៃកូនខ្មែរ សម្រាប់គ្រប់ផលិតកម្ម វាជារឿងលំបាកខ្លាំងណាស់ បើសិនជាក្រសួងដែលពាក់ព័ន្ធ មិនចូលរួមចាត់វិធានការ ទៅលើ ការចែកចាយ ឌីសកូពី និងការការពារកម្មសិទ្ធបញ្ញា នោះការធ្វើបទចម្រៀងដែលជាស្នាដៃកូនខ្មែរ វាក៏មិនអាចទៅរួចដែរ ។
តែទោះជាយ៉ាងណា សម្រាប់ ទំព័រ ខាងលើដែលតែងតែប្រឆាំង លើការកូពី និងគាំទ្រស្នាដៃកូនខ្មែរ ក៏ធ្លាប់បាន Wall Post ថា “ខាងខ្លួនតែងតែគាំទ្រ ដល់ស្នាដៃកូនខ្មែរ ជានិច្ច ឌីសហ្ស៊ីនវាមិនថ្លៃទេ ជាក់ស្តែង បទចម្រៀងចុងក្រោយរបស់ផលិតកម្មហង្សមាស ដែលជាស្នាដៃកូនខ្មែរពិតៗ ពួកគេបានទិញ ចំនួន ១០ ទៅ ២០ បន្ទះ ចែកចាយដល់កមិត្តភក្តិរបស់ខ្លួន។ ដោយឡែកផលិតកម្មមួយចំនួន ទោះជាបទនោះ ជាបទហ្ស៊ីន ដែលចេញពីទឹកដៃខ្មែរពិតៗ តែសម្រាប់ឌីសវិញ មិនមែនជាឌីសហ្ស៊ីននោះទេ ចឹងឲ្យគ្នាជាវ យ៉ាងម៉េចទៅ តែសម្រាប់ការគាំទ្រផលិតបទខ្មែរគឺនៅតែគាំទ្រហ្នឹង”៕
មតិយោបល់