កាលពីថ្ងៃទី០២ខែកញ្ញា កន្លងទៅ ក្រុមហ៊ុន Microsoft បានប្រកាសថាខ្លួនបានទិញយកអាជីវកម្មទូរស័ព្ទចល័តរបស់ Nokia ក្នុងតម្លៃជាង ៧,២ពាន់លានដុល្លារអាមេរិក។ តើក្រុមហ៊ុន Nokia នៅសល់អ្វីទៀត បើលក់អាជីវកម្មទូរស័ព្ទចល័តទៅឲ្យ Microsoft ហើយនោះ?
កាលពីថ្ងៃចន្ទម្សិលមិញនេះ ក្រុមហ៊ុន Nokia បានឲ្យដឹងថា Samsung បានយល់ព្រមបន្តប្រើប្រាស់ប៉ាតង់របស់ខ្លួនចំនួន ៥ឆ្នាំទៀត ក៏ដូចជាបានជួយជំរុញឲ្យប្រាក់ចំណូល Nokia កើនឡើងផងដែរ។
ក្រុមហ៊ុន Nokia បាននិយាយថា Samsung បានយល់ព្រមសងជំងឺចិត្ត និងបន្តប្រើប៉ាតង់របស់ក្រុមហ៊ុន Nokia ក្នុងរយៈពេល ៥ឆ្នាំទៀត ដោយគិតចាប់តាំងពីថ្ងៃទី០១ ហើយកិច្ចព្រមចាស់នឹងត្រូវបញ្ចប់នៅចុងឆ្នាំនេះ។
ការផ្ដល់សិទ្ធិប៉ាតង់ទៅឲ្យក្រុមហ៊ុន ជាផ្នែកមួយដែលបានជំរុញឲ្យអតីតក្រុមហ៊ុនទូរស័ព្ទចល័តនាំមុខគេ Nokia រកប្រាក់ចំណូលបានបន្ថែមក្រោយពេលលក់អាជីវកម្មទូរស័ព្ទចល័តទៅឲ្យ Microsoft។
ប្រភពចំណូលមួយទៀតសម្រាប់ Nokia គឺបានមកពីក្រុមហ៊ុន Nokia Solutions and Networks(NSN) ដែលជាក្រុមហ៊ុនផ្គត់ផ្គង់គ្រឿងបរិក្ខាទូរគមនាគមន៍ធំមួយនៅហ្វាំងឡង់ ដែលជាកម្មសិទ្ធិផ្ទាល់របស់ Nokia៕
មតិយោបល់