ក្រុមហ៊ុន Google គ្រោងចំណាយទឹកប្រាក់ចំនួន ៤៥០លានអឺរ៉ូ (ប្រហែល ៦០៨លានដុល្លារអាមេរិក) ក្នុងការពង្រីកមជ្ឈមណ្ឌលទិន្នន័យនៅក្នុងប្រទេសហ្វាំងឡង់ ដោយសារតែតម្រូវការវីដេអូទូរស័ព្ទចល័តកើនឡើង។
លោក Dieter Kern ប្រធានគ្រប់គ្រងមជ្ឈមណ្ឌលទិន្នន័យនៅក្នុងប្រទេសហ្វាំងឡង់ បានប្រាប់សារព័ត៌មាន Hamina ថា ក្រុមហ៊ុន Google នឹងវិនិយោគនៅក្នុងប្រទេសហ្វាំងឡង់ក្នុងរយៈពេលយូរអង្វែង។
កាលពីខែកញ្ញា កន្លងទៅ ក្រុមហ៊ុន Microsoft បាននិយាយថា ខ្លួននឹងចំណាយ ២៥០លានអឺរ៉ូក្នុងការបង្កើតមជ្ឈមណ្ឌលទិន្នន័យថ្មីក្នុងប្រទេសហ្វាំងឡង់។
គួរបញ្ជាក់ផងដែរថា កាលពីឆ្នាំ ២០០៩ ក្រុមហ៊ុន Google បានទិញអគារមួយកន្លែងនៅក្នុងប្រទេសហ្វាំងឡង់ក្នុងទឹកប្រាក់ចំនួន ៤០លានអឺរ៉ូ ហើយបានវិនិយោគ ១៦០លានអឺរ៉ូសម្រាប់បង្កើតមជ្ឈមណ្ឌលទិន្នន័យ៕
ព័ត៌មានជាតិ
មតិយោបល់