បន្តបន្ទាប់នេះ នៅតែមានប្រិយមិត្តជាច្រើន ដែលបានផ្ញើរសារមកកាន់ដំណឹង សូមឲ្យចុះផ្សាយនូវព័ត៌មានមួយចំនួន ដែលទាក់ទងនឹងកាកូពីបទបរទេស ជាហូរហែរ ។ ម្សិលមិញនេះដែរ ខាងលោក ណារ៉ា ដែលជាប្រិយមិត្តដែលតាមដានរាល់ព័ត៌មាន របស់ដំណឹង និង បទចម្រៀងក្នុងស្រុក ក៏បានផ្ញើបទចម្រៀង វៀតណាមមួយបទ ដែលដូចទៅនឹងបទចម្រៀងរបស់ កញ្ញា ឱក សុគន្ធកញ្ញា ក្រោមចំណងជើងថា “ហៅអូន Baby ហៅគេ Honey ” ដែលជាបទមួយកំពុងកម្សួល អារម្មណ៍ប្រិយមិត្តគ្រប់ស្រទាប់ ។
តែទោះជាយ៉ាងណា បទនេះដែរ យើងនៅមិនទាន់ ដឹងថា នរណាចំលងពីនរណានៅឡើយនោះទេ ឱក សុគន្ធកញ្ញា ឬក៏វៀតណាម ? ។
ក្រោយពីការរកប្រភពដើម យើងឃើញថា បទចម្រៀង របស់វៀតណាម ក្រោមចំណងជើងថា Chợt Thấy Em Khóc ច្រៀងដោយ Noo Phước Thịnh ដោយចំណងជើងនេះដែរ បកប្រែជាខ្មែរ “រំពេចនោះស្រាប់តែឃើញអូនយំ” ចេញនៅថ្ងៃទី ២០ ខែ ធ្នូ ឆ្នាំ ២០១២ បង្ហោះដោយម្ចាស់ដើម VietMusicCollection8 ។ ដោយបទ ឱក សុគន្ធកញ្ញា ក្រោមចំណងជើងថា “ហៅអូន Baby ហៅគេ Honey ” ចេញនៅឆ្នាំ ២០១៣ នេះបញ្ជាក់ឲ្យឃើញថា បទរបស់ ឱក សុគន្ធកញ្ញា ត្រូវបានខាងផលិតកម្ម កូពី ពីប្រទេសជិតខាងមកច្នៃធ្វើជារបស់ខ្មែរ ។
តែ ទោះជាយ៉ាងណា សម្រាប់ហង្សមាសនៅពេលបច្ចុប្បន្ន ក៏បានចេញបទថ្មីជាច្រើន ដែលជាស្នាដៃកូនខ្មែរ ស្របពេលដែលផលិតកម្ម ធំៗផ្សេងទៀតកំពុង ត្រៀមខ្លួនប្រកួតប្រជែង លើនិន្នាការស្នាដៃកូនខ្មែរនេះ ក្រោម ស្លាក បញ្ឈប់ការកូពីបទបរទេស៕
ទស្សនាបទ Chợt Thấy Em Khóc ៖
បទ ហៅអូន Baby ហៅគេ Honey ៖
មតិយោបល់