តាមរយៈកម្មវិធីផ្ទះលោកតា តារាកំប្លែងនិយាយមុខស្ងួត នាយ គ្រឿន មួយរយៈចុងក្រោយមកនេះឡើងកូដយ៉ាងខ្លាំង ដោយតែងតែផ្តល់សំណើច និងក្លាយជាតួឯកនៅក្នុងកម្មវិធីនេះ។
ជាមួយនឹងពាក្យសម្តី បែបកំប្លែង គោបផ្សំនឹងទឹកមុខស្ងួត ដែលធ្វើឲ្យមហាជនទប់សំណើចមិនបាន នោះ ត្រូវបានមជ្ឈដ្ឋានអ្នកតាមដានវិស័យសិល្បៈឲ្យតម្លៃថា តារាកំប្លែងរូបនេះ និយាយកំប្លែងល្អជាង នាយពែកមី និងមានអ្នកគាំទ្រច្រើនជាង ។ ប្រភពមជ្ឈដ្ឋានខាងលើ បានឲ្យដឹងបន្តថា នាយគ្រឿន និយាយស្ងួត ៗ ដែលគួរឲ្យចង់សើច ហើយក៏ធ្វើឲ្យអ្នកទស្សនាមិនស៊ាំដែរ ។ តែសម្រាប់នាយ ពែកមី ដែលស្ថិតនៅលំដាប់កំពូលតារាកំប្លែងនោះ រាងក្រមិចក្រមើម បើស្តាប់យូរៗ ទៅ បានតែមួយឆាវ និងរាងស៊ាំបើទោះបីពាក្យសម្តីដែលនិយាយមកផ្ទុះសំណើចដូចគ្នា ។
នាយគ្រឿន ក៏ត្រូវបានគេប្រៀបធៀបទៅនឹង តារាកំប្លែងជើងចាស់ លោក ចាបចៀន ដែលនិយាយទឹកមុខស្ងួតដូចគ្នា ហើយអនាគតខាងមុខដ៏ខ្លី តារាកំប្លែងរូបនេះនឹង ឡើងដល់កំពូល ប្រសិនបើខាងអ្នកគ្រប់គ្រងលើកកបន្តុកនោះ ៕
ទស្សនាវីដេអូឃ្លិបដូចខាងក្រោមនេះ ៖
មតិយោបល់