(ភ្នំពេញ)៖ នាពេលថ្មីៗនេះ តារាចម្រៀង និងជាពិធីការិនីសម្បូរវោហាស័ព្ទ កញ្ញា សុភក្រ កុសុម៉ា ទើបតែបង្ហោះរូបភាពមួយសន្លឹក កាន់ពានប្រាក់ (Bronze Creator Award) ពីក្រុមហ៊ុន YouTube ជាមួយនឹងទឹកមុខញញឹមប្រកបដោយភាពជឿជាក់។

ភ្ជាប់ជាមួយរូបថតកាន់ពានប្រាក់ មានអ្នកគាំទ្រជាច្រើនបង្ហោះ Comment ចូលរួមត្រែកអរ និងអបអរសាទរចំពោះការទទួលបានរបស់នាង ខណៈសុភក្រ កុសុម៉ា បានសរសេរសារយ៉ាងដូច្នេះថា «ការខិតខំប្រឹងប្រែងនិងហុចផលនៅថ្ងៃណាមួយ អបអរសាទរខ្លួនឯង និងសូមអរគុណបងប្អូននូវការការស្រឡាញ់ពេញចិត្តក្មេងស្រីដ៏តូចច្រឡឹងម្នាក់នេះ»។

សូមជម្រាបថា Bronze Creator Award ដែល សុភក្រ កុសុម៉ា ទទួលបានពីក្រុមហ៊ុន YouTube នោះ គឺដោយសារតែ Channel ផ្ទាល់ខ្លួនរបស់នាងដែលមានឈ្មោះជាភាសាអង់គ្លេសថា Spheak Kosoma ធ្វើគ្រប់លក្ខខណៈរបស់ YouTube ជាមួយនឹងចំនួនអ្នក Subcribe រហូតដល់ទៅ ១០២K៕