ភ្នំពេញ៖ នៅថ្ងៃទី១៥ ខែកក្កដា ឆ្នាំ២០២១ វេលាម៉ោង១៥ និង ០០ នាទី កម្លាំងការិយាល័យ បានសហការជាមួយសមត្ថកិច្ចប៉ុស្តិ៍នគរបាលរដ្ឋបាលអូរឡាំពិក ធ្វើការត្រូតពិនិត្យបន្ទប់លេខ១១៤ សណ្ឋាគារសេវិនដេ ផ្លូវលេខ១៦៣ ភូមិ៣ សង្កាត់អូរឡាំពិក ខណ្ឌបឹងកេងកង រាជធានីភ្នំពេញ ឃាត់ខ្លួនជនសង្ស័យចំនួន ០២ នាក់ និង ចាប់យកវត្ថុតាងអាវុធខ្លី ចំនួន០១ដើម ពាក់ព័ន្ធបទល្មើស កាន់កាប់អាវុធដោយគ្មានការអនុញ្ញាត ,ប្រើប្រាស់អាវុធដោយគ្នានការអនុញ្ញាត និងធ្វេសប្រហែសឲ្យជនដទៃយកអាវុធរបស់ខ្លួនទៅប្រើប្រាស់ដោយគ្មានការអនុញ្ញាត និងប្រើប្រាស់ដោយខុសច្បាប់នូវសារធាតុញៀនប្រព្រឹត្តនៅចំណុចផ្ទះមិនចាំលេខ ផ្លូវជាតិលេខ២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ កាលពីថ្ងៃទី១៤ ខែកក្កដា ឆ្នាំ២០២១ វេលាម៉ោងប្រហែល ២២ និង ៣០ នាទី បញ្ជូនមកការិយាល័យដើម្បីធ្វើការសាកសួរចាត់ការតាម នីតិវិធី ៖

១-ឈ្មោះ កែម គន្ធប័ននឺ ភេទ ប្រុស អាយុ ៣១ ឆ្នាំ ជនជាតិ ខ្មែរ

-មុខរបរ លក់ដូរ

-ស្នាក់នៅផ្ទះលេខ១៦៨ ផ្លូវលេខ១៣៨ សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ

២-ឈ្មោះ គីម សម្បត្តិ ហៅ សម្បត្តិ រ៉ាឆៃ ហៅ ពៅ ភេទ ប្រុស អាយុ ៣៦ ឆ្នាំ ជនជាតិ ខ្មែរ

-មុខរបរ ជាងឈើ

-ស្នាក់នៅផ្ទះលេខ៣៣៤ ផ្លូវលំ សង្កាត់និរោធ ខណ្ឌច្បារអំពៅ រាជធានីភ្នំពេញ

វត្ថុតាងចាប់យក

-អាវុធខ្លីម៉ាកK៥៩ ពណ៌ ខ្មៅលាយទឹកមាស គ្មានលេខ និងបង់មួយមានគ្រាប់ចំនួន ០៤ គ្រាប់ ចាប់យកពីឈ្មោះ កែម គន្ធប័ននឺ ។

ហេតុការណ៍ កាលពីថ្ងៃទី១៤ ខែកក្កដា ឆ្នាំ២០២១ វេលាម៉ោងប្រហែល ២២ និង ៣០ នាទី មានករណី កាន់កាប់អាវុធដោយគ្មានការអនុញ្ញាត ,ប្រើប្រាស់អាវុធដោយគ្នានការអនុញ្ញាត និងធ្វេសប្រហែសឲ្យជនដទៃយកអាវុធរបស់ខ្លួនទៅប្រើប្រាស់ដោយគ្មានការអនុញ្ញាត និងប្រើប្រាស់ដោយខុសច្បាប់នូវសារធាតុញៀនប្រព្រឹត្តនៅចំណុចផ្ទះមិនចាំលេខ ផ្លូវជាតិលេខ២ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ នៅពេលជនសង្ស័យចំនួន ០៣ នាក់មានឈ្មោះ កែម គន្ធប័ននឺ ,ឈ្មោះ គីម សម្បត្តិ ហៅ សម្បត្តិ រ៉ាឆៃ ហៅ ពៅ និងឈ្មោះ ភុង វង្សសុភាបណ្ឌិត ហៅ សី ភេទ ប្រុស អាយុប្រហែល ៣៣ ឆ្នាំ ជនជាតិ ខ្មែរ បាននាំគ្នាផឹកស្រាបៀអស់ចំនួន០១កេះ និងនាំគ្នាប្រើប្រាស់គ្រឿងញៀនប្រភេទម៉ាទឹកកក នៅចំណុចកើតហេតុខាងលើ ។ បន្ទាប់ពីជនសង្ស័យទាំងបីនាក់ស្រវឹងស្រាបៀរ និងប្រើប្រាស់គ្រឿងញៀនរួច ជនសង្ស័យឈ្មោះ កែម គន្ធប័ននឺ បានយកអាវុធខ្លីរបស់ខ្លូនម៉ាកK៥៩ ពណ៌ ខ្មៅលាយទឹកមាស គ្មានលេខ និងបង់មួយមានគ្រាប់ចំនួន ០៥ គ្រាប់ មកអាម៉េលេង ហើយក៏ទុកចោលនៅលើតុ ភា្លមនោះជនសង្ស័យឈ្មោះ គីម សម្បត្តិ ហៅ សម្បត្តិ រ៉ាឆៃ ហៅ ពៅ បានឃើញក៏បានយកអាវុធខ្លីនោះពីលើតុ មកអាម៉េបញ្ចូលគ្រាប់រួចបាញ់ឡើងលើចំនួន០១ គ្រាប់ ​បង្កឲ្យមានការភ្ញាក់ផ្អើលដល់សមត្ថកិច្ច និងប្រជាពលរដ្ឋ រួចជនសង្ស័យនាំគ្នាជិះម៉ូតូគេចចេញពីកន្លែងកើតហេតុបាត់អស់ ។

បច្ចុប្បន្នជនសង្ស័យ និងវត្ថុតាង ខាងលើ ការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីវិធី ៕