(បរទេស)៖ ទស្សនិកជនដែលនិយមតាមដានរឿងភាគហុងកុងរបស់ទូរទស្សន៍ TBV ប្រហែលជាបានស្គាល់តួអង្គ Madam ក្នុងរឿង «បងធំក្លែងក្លាយ» ហើយ ព្រោះតាមរយៈការសម្តែងភាពយន្ត នាងគឺជាតារាស្រីមួយរូបដែលលេចធ្លោរ មានទឹកមុខរឹងមាំ ពេលដើរតួជាប៉ូលីសស្ត្រី តែក៏គួរឲ្យស្រឡាញ់ដែល ពេលបង្ហាញខ្លួនក្នុងសភាពជាបវរកញ្ញា។

តើអ្នកដឹងទេ? ម៉ាដាមគូ (Crystal Fung) ធ្លាប់ជាអតីតបវរកញ្ញាហុងកុងឆ្នាំ ២០១៦។ តារាសម្ដែងស្រីហុងកុង Crystal Fung ដែលអ្នកទាំងអស់គ្នាភាគច្រើនបានស្គាល់ក្នុងរូបភាពជាប៉ូលីសស្រីនៃរឿង «បងធំក្លែងក្លាយ» ការពិតនាងធ្លាប់ជាបវរកញ្ញាហុងកុងប្រចាំឆ្នាំ ២០១៦

មិនត្រឹមតែមានសម្រស់ស្រស់ស្អាត Crystal Fung ក៏មានសមត្ថភាពក្នុងការសម្ដែង ជាពិធីការនី និងជាតារាម៉ូដែល។ មកទល់ពេលនេះ នាងមានអាយុ២៧ឆ្នាំ ដែលបានចូលរួមសម្តែងនៅក្នុងរឿងភាគជាច្រើនរបស់ TVB ហើយត្រូវបានគេស្គាល់ច្បាស់តាមរឿងភាគ អ្នកខ្លាំងអាវស និងរឹតតែទទួលការគាំទ្រខ្លាំងក្នុងរឿង «ងធំក្លែងក្លាយ»។

ថ្មីៗនេះ នាងបានជួបឧបទ្ទវគ្គហេតុមួយជាការដែលរថយន្តទំនើប Tesla របស់នាងបានប៉ះគ្នាជាមួយរថយន្ត Bentley តែសំណាងល្អមិនបង្ករជាគ្រោះថ្នាក់ធំដុំ ហើយកាន់តែពិសេសនោះ ជនរងគ្រោះមិនបានទាសំណងអ្វីពីនាងឡើយ ក៏ព្រោះតែជនរងគ្រោះពីរនាក់ប្តីប្រពន្ធនោះជាអ្នកគាំទ្រនាងនៅក្នុវរឿងបងធំក្លែងក្លាយ ហើយការប្រើប្រាស់សំណងបានប្តូរមកជារូបថតSelfie ជំនួសអោយការបង់ប្រាក់ទៅវិញ។

ប្រភព៖ សេព រឿង ញៀន