ដូចមហាជនបានជ្រាបដឹងនឹងទទួលស្គាល់មកហើយថា តារាសម្ដែងប្រុស សាវិន ហ្វីលីប បានសាងកេរ្ដិ៍ឈ្មោះក្នុងវិថីសិល្ប:ជាយូរឆ្នាំណាស់មកហើយ ដោយភាពជោគជ័យទាំងភាពយន្ដនៅក្នុងស្រុក និងភាពយន្ដលំដាប់អន្ដរជាតិ។ តារាប្រុសរូបនេះ ហាក់បីដូចជាមិនដែលមានប្រតិកម្មជាមួយសិល្បករ ឬតារាណាមួយនៅក្នុងស្រុកឡើយ តែដោយឡែកនៅថ្ងៃទី២៧ ខែសីហា នេះគេបានឃើញលោកបង្ហោះសារ ពន្លះតារាថ្មោងថ្មីមួយចំនួនដោយមិនបង្ហាញឈ្មោះ។
សារនៅលើហ្វេសប៊ុកបានរៀបរាប់ថា ៖ «តារាថ្មីខ្លះឃើញឯងយកទ្បានកូនស្រីជិះទៅថតកុន មើលលើមើលក្រោមបែបចង់មើលងាយ ខណ:ខ្លួនឯងជិះទ្បានទំនើបបង់រំលោះ ផ្ទះបុរីក៍បង់រំលោះ សោះហ្នឹង…សង្គមនេះគេចូលចិត្តវាយតម្លៃមនុស្សសំបកក្រៅ និងសំបូរមនុស្សរស់នៅក្នុងជីវិត F.a.k.e !ខ្ញុំសូមបញ្ជាក់ថានៅពេលនេះប្ដីប្រពន្ធខ្ញុំមិនមានជំពាក់បំណុលនរណាសូម្បីតែមួយសេនដុល្លារទ្បើយ មានតែគេជំពាក់ខ្ញុំមិនសង»។
សូមជម្រាបផងដែរថា លោក សាវិន ហ្វីលីប ក្រៅពីជោគជ័យក្នុងសិល្ប:ភាពយន្ដ MVចម្រៀង TVC និងShort Film ហើយនោះ ថ្មីៗនេះ លោក៏បង្ហាញឱ្យមហាជនបានដឹងថា លោកបោះជំហានមកកាន់វិស័យ អចលនទ្រព្យដូចជាតារាល្បីៗមួយចំនួន ដូចជាលោក ព្រាប សុវត្ថិ លោក ខេមរ: សិរីមន្ត លោក ឆាយ វីរ:យុទ្ធ និងអ្នកនាង ខាត់ សុឃីមផងដែរ ដោយលោក សាវិន ហ្វីលីប បញ្ជាក់ថា ហ៊ានចំណាយខ្ទង់លានដុល្លារលើគម្រោងអចលនទ្រព្យ៕
មតិយោបល់