កាលពីថ្ងៃទី ១៦ ខែកញ្ញា ឆ្នាំ ២០២១ កន្លងទៅនេះ គឺត្រូវជាថ្ងៃខួបកំណើតគម្រប់អាយុ ៤០ ឆ្នាំ របស់តារាស្រីចិនដ៏ល្បី Fan Bingbing ហើយបើទោះជានាងធ្លាប់ផុងក្នុងរឿងអាស្រូវក្តី ប៉ុន្តែប្រជាប្រិយភាពរបស់នាងក៏នៅតែស្ថិតក្នុងបេះដូងអ្នកគាំទ្រដដែល។
តាមការចេញផ្សាយរបស់សារព័ត៌មាន Kenh14 បានឱ្យដឹងថា ក្នុងថ្ងៃខួបកំណើតរបស់តារាសម្ដែងស្រីរូបនេះ មានអ្នកគាំទ្ររបស់នាងជាច្រើន បាននាំគ្នាធ្វើការជូនពរ ហើយជាពិសេសនោះ អ្នកគ្រប់គ្រងរបស់នាង ក៏បានធ្វើការបង្ហោះកម្រងរូបភាពមួយចំនួន ដែលពួកគេធ្វើពិធីខួបឱ្យនាងផងដែរ។
ក្រោយរូបភាពទាំងនោះត្រូវបានចែកចាយ មហាជនជាច្រើនបានចាប់ភ្លឹកទៅលើរូបសម្រស់ Fan Bingbing ជាខ្លាំង ដែលរូបនាងនៅតែរក្សាសាច់ និង សម្ផស្សបានយ៉ាងល្អ មិនប្រែទៅតាមវ័យបន្តិចសោះឡើយ។ សម្រស់របស់ Fan Bingbing ត្រូវបានអ្នកគាំទ្រលាន់មាត់ថា ស្រស់ស្អាតខ្លាំង រហូតសឹងមិនជឿថារូបនាងមានវ័យ ៤០ ឆ្នាំនោះឡើយ៕
មតិយោបល់