ចាប់តាំងតែជំងឺកូវីដ-១៩ រីករាលដាលខ្លាំងមក គេសង្កេតឃើញថាបានជះឥទ្ធិពលយ៉ាងខ្លាំងចំពោះមុខរបររកស៊ី និង ការងារ ព្រោះម្នាក់ៗមិនហ៊ានចេញទៅណាមកណាឡើយ ដើម្បីតែរក្សាសុវត្ថិភាពពីការឆ្លង។
ជាមួយគ្នានោះ សម្រាប់អ្នកសិល្បៈក៏ដូចគ្នាដែរ ទន្ទឹមនឹងការរីករាលដាលនេះ ពួកគេពុំអាចចេញថត ឬ ធ្វើកម្មវិធីកម្សាន្តអ្វីបានឡើយ ដូចនេះមានតែនៅផ្ទះ រីឯអ្នកមានមុខរបរបន្ថែម ក៏ដូចជាលក់អនឡាញនោះ ក៏នៅផ្ទះឡាយ មិនបានចេញទៅណានោះឡើយ។
ស្របជាមួយស្ថានការណ៍នេះ មហាជនហាក់ផ្ទុះការចាប់អារម្មណ៍មួយចំពោះតារាសម្តែងប្រុសរូបសង្ហា លោក Ter Chantervit បន្ទាប់ពីតារាប្រុសរូបនេះចេញមកបង្ហោះសារមួយ អំពីក្ដីស្រមៃកាលពីលោកនៅក្មេង ដោយឃើញហើយមហាជនទប់សំណើចពុំបាន។
តាមរយៈសារបង្ហោះក្នុងគណនីហ្វេសប៊ុកលោក Ter បានសរសេរថា ៖ «កាលពីនៅក្មេងតែងគិតថាខ្ជិលរៀន ចិត្តចង់នៅតែផ្ទះដេកលេងហ្គេមរាល់ថ្ងៃ ដល់ថ្ងៃអាទិត្យអីបានឈប់សម្រាកដឹងតែមានក្ដីសុខហើយ។ មកដល់ឥឡូវអាយុ ៣០ ជាងហើយ ពេលនេះក្ដីស្រមមៃរបស់ខ្ញុំបានសម្រេចដូចបំណងហើយ ខ្ញុំនៅផ្ទះរហូតមកកន្លះឆ្នាំហើយ»។
ជាមួយននឹងសារនេះ បានធ្វើឱ្យមហាជនជាច្រើនចុចស្ទិកគ័រអស់សំណើចទៅកាន់លោកគ្រប់គ្នា ហើយក៏ចូលរួមខមមិនអបអរសាទរចំពោះលោកផងដែរ។ ជាការពិតព្រោះតែកូវីដ-១៩ បានធ្វើឱ្យបំណងប្រាថ្នាពីក្មេងវៃរបស់តារាប្រុស Ter បានសម្រេច៕
មតិយោបល់