ផ្អើលអ្នកគាំទ្រក្នុងបណ្ដាញសង្គមទាំងយប់ បន្ទាប់ពីបានឃើញវីដេអូឃ្លីបរបស់កំពូលតារាសម្ដែងស្រីថៃ Chompoo Araya បង្ហាញពីសកម្មភាពឆ្លុះអេកូពិនិត្យផ្ទៃពោះ ចែករំលែកដល់គ្រប់គ្នាឱ្យបានដឹងថា ពេលនេះនាងកំពុងពពោះកូនទី ៣ ហើយ។
នេះបើយោងតាមរយ:សារសរសេររបស់តារាស្រីរូបនេះ បានរៀបរាប់យ៉ាងដូច្នេះថា៖ «មានបេះដូងមួយផ្សេងទៀត កំពុងលោតក្នុងខ្លួនខ្ញុំ» នៅលើបណ្ដាញសង្គម Instagram ផ្ទាល់របស់នាង ដោយភ្ជាប់ជាមួយនឹងវីដេអូឃ្លីបខ្លី។ ជាមួយគ្នានោះ ក៏បានឃើញស្វាមីនាង បានបង្ហោះរូបភាពកូនប្រុសកាន់នូវឧបករណ៍តេស្តពិនិត្យផ្ទៃពោះ នៅលើបណ្ដាញសង្គមផ្ទាល់របស់លោកផងដែរ។
ទោះជាយ៉ាងណា នៅមិនទាន់បានបង្ហាញច្បាស់ថា តើកូនទី ៣ របស់នាងគឺជាកូនស្រី ឬក៏ប្រុសនៅឡើយនោះទេ? ប៉ុន្តែក្នុងនោះ គ្រប់គ្នាដែលជាអ្នកគាំទ្រ និងមិត្តរួមសិល្ប:ជាច្រើនបានសម្ដែងក្តីរីករាយ ត្រេកអរជំនួសគ្រួសាររបស់នាងយ៉ាងខ្លាំង ដែលកំពុងត្រៀមខ្លួនស្វាមគន៍សមាជិកថ្មីរបស់ពួកគេ នាពេលឆាប់ៗខាងមុខនេះ៕
មតិយោបល់