ការឡើងគីឡូរបស់តារាចម្រៀងប្រចាំផលិតកម្មថោននេះដែរ បានធ្វើឱ្យមហាជនជាច្រើនបើកភ្នែកធំៗសម្លឹងមើលទៅនាង ព្រមទាំងខ្លះមានចម្ងល់ និង ចោទការសង្ស័យថានាងអាចនឹងមានផ្ទៃពោះទៀតផង។ យ៉ាងណាក៏ដោយ កាលនោះកញ្ញា អេននី ហ្សាម ក៏ធ្លាប់បានប្រាប់ថា នាងមិនមានផ្ទៃពោះដូចគេសង្ស័យនោះទេ ការពិតទៅនាងបានប្រហែសខ្លួន ក៏ព្រោះតែការចូលចិត្តញុាំអាហារ និង គ្រឿងស្រវឹង ទើបធ្វើឱ្យគីឡូខ្លួនឡើងក្រឺតៗមិនស្រកសោះ។

យ៉ាងណាមិញ ស្រាប់តែចាប់ពីអំឡុងខែសីហា ឆ្នាំ ២០២១ រហូតមកដល់ពេលនេះ តារាចម្រៀង អេននី ហ្សាម បានធ្វើឱ្យមហាជនអ្នកគាំទ្រភ្លឹកភ្នែកសាជាថ្មីនឹងរូបរាងរបស់នាង ដោយបានផ្លាស់ប្តូរជិតវិលត្រលប់មកដូចដើមវិញ កាលពីនាងចូលសិល្ប:ដំបូងៗ ក៏ព្រោះរយ:ពេលខ្លីតារាស្រីរូបនេះបានស្រកគីឡូដល់ទៅជិត ១០ គីឡូវិញភ្លាមៗ ពី ៦២ គីឡូ មកត្រឹម ៥៤ គីឡូវិញ ដោយមិនបានហាត់ប្រាណ និង តមអាហារអ្វីច្រើននោះឡើយ។

ការស្រកគីឡូជាថ្មីនេះដែរ កញ្ញា អេននី ហ្សាម ហាក់មានការជឿជាក់ជាថ្មីម្តងទៀត ដោយនាងចាប់ផ្តើមបង្ហាញរូបរាងក្បាលពោះរាបស្មើ និង ស្លៀកពាក់សិចស៊ីជាថ្មីម្តងទៀត ក្រោយពីខ្លួនហាក់មានការអៀនខ្មាស ដោយរូបរាងធាត់អស់រយ:ពេលប្រមាណ ៣ ឆ្នាំ មកនោះ៕