(ភ្នំពេញ)៖ អ្នកគាំទ្រកំពុងតែមានការចាប់អារម្មណ៍ជាខ្លាំង ខណ:អ្នកខ្លះក៏មានចម្ងល់ក្នុងចិត្តថា ជាការពិត ឬក៏ជាការសម្តែងទាក់ទងនឹងបទចម្រៀង ក្រោយពីឃើញនាយ ចឺម ដាក់Relation ship លើបណ្ដាញសង្គមហ្វេសប៊ុក ជាមួយតារាស្រីរូបស្រស់សោភាម្នាក់។

បើនិយាយទៅ កាលពីប៉ុន្មានថ្ងៃមុន នាយចឺម បានដាក់ Relation Ship ជាមួយតារាស្រីរូបស្រស់ម្នាក់ជាសាធារណ: ក្រោយពីពួកគេបានថត MV រួមគ្នានៅក្នុងបទចម្រៀងរបស់ នាយចឹម ដែលមានចំណងជើង ថា «ថ្លៃទឹកដោះ»។ ទោះបីជាយ៉ាងណាជុំវិញ បញ្ហានេះមិនទាន់អាចសុំការបញ្ជាក់ពីតារាចម្រៀងប្រចាំផលិតកម្មសាន់ដេនាយ ចឺម បាននៅឡើយ។

សូមបញ្ជាក់ថា តារាចម្រៀងមានប្រភពពីភ្នំស្រង់ខេត្តកំពង់ស្ពឺរូបនេះ ត្រូវបានគេមើលឃើញថា ជាតារាចម្រៀងដែលមានរឿងអាស្រូវស្នេហាច្រើន ទោះបីជារូបគេមានវ័យក្មេងយ៉ាងណាក៏ដោយ។ មានរឿងស្នេហាក៏បណ្ដាលឲ្យរូបគេរងនូវបញ្ហាដល់ខ្លួនផងដែរ នាពេលកន្លងមក។ មានការកត់សម្គាល់ថា អតីតសង្សាររបស់នាយចឺម សុទ្ធតែជាស្រីស្អាតសាច់សខ្ចីទាំងអស់ ជាក់ស្ដែងដូចជាតារាសម្ដែង អៀ ម៉េងលិ និងតារាសម្ដែងអូនហ្វា ជាដើម។