(កម្ពុជា)៖ អបអរសាទរ ទីបំផុតបទចម្រៀងរ៉េប មានបញ្ចូលជាមួយចាប៉ីដងវែងរបស់កម្ពុជា ចំណងជើងថា
«Time To Rise» ចម្រៀងរួមគ្នាដោយ លោក វ៉ាន់ដា និងលោកតា គង់ ណៃ បានជាប់ចំណាត់ថ្នាក់លេខ១ ក្លាយជា វីដេអូចម្រៀងល្អបំផុតប្រចាំឆ្នាំ២០២១នេះ។

តាមរយ:បណ្តាញសង្គមផ្លូវការបស់តារាចម្រៀង វ៉ាន់ ដា បានបង្ហោះសារយ៉ាងដូច្នេះថា «អបអរសាទរ វីដេអូចម្រៀង “Time To Rise” ដែលបានជាប់ចំណាត់ថ្នាក់លេខ ១ “Best Videos of 2021” ដែលជ្រើសរើសដោយ LiFTED Asia។
ហើយក៏អរគុណជាពិសេសទៅកាន់អ្នកទាំងអស់គ្នាសម្រាប់ការគាំទ្រ និងការទស្សនា ៨០ លានដង នៅលើ YouTube»។

សូមរំលឹកផងដែរ វីដេអូចម្រៀងបទ Time To Rise ត្រូវបានបង្ហោះចូលទៅក្នុង YouTube ជាលើកដំបូងកាលពីកំឡុងខែមេសា ដោយគិតមកត្រឹមថ្ងៃសុក្រ ទី១០ ខែធ្នូ ឆ្នាំ២០២១នេះមានអ្នកចូលទស្សនាសរុបដល់ទៅ៨០លាននាក់ហើយ៕