ភ្នំពេញៈ ជុំ លីណូ តារាច្រៀងដែលចូលចិត្តយកស្តាយ៍រាំ តាមស្តេចចម្រៀងប៉ុប (Michael Jackson) អាម៉េរិក បានប្រាប់ Post News កាលពីរាត្រីថ្ងៃទី១៨ ខែសីហា ឲ្យដឹងថា ក្នុងពេលឆាប់ៗ ខាងមុខនេះ លោកនឹងចេញបទចម្រៀង Original Song នៅក្នុងផលិតកម្ម សាស្ត្រាអ៊ីនធឺធេនមែន ។
«ខ្ញុំបានថត បានថត Original Song រួចខ្លះហើយ សម្រាប់វ៉ុល២ ហើយនៅសប្តាហ៍ក្រោយអាចនឹងផុស មួយបទ នៅលើផេកហ្វេសប៊ុក សាស្ត្រាអ៊ីនធឺធេនមែន»។ នេះជាសម្តីដែល ជុំ លីណូ បានថ្លែងប្រាប់ Post News ។
ក្នុងនោះដែរ អតីតតារាចម្រៀង សាន់ដេ បានបញ្ជាក់ថា ក្នុងចំណោមបទចម្រៀង ដែលខ្លួនចេញ នៅ សាស្ត្រាអ៊ីនធឺធេនមែន គឺមិនទាន់អាចធ្វើបទ Original Song បានទាំងអស់នោះទេ សម្រាប់ខ្លួន ដោយ ៥បទ អាចនឹងមានកូពី តែ១ ប៉ុណ្ណោះ ។
ទោះបីជាយ៉ាងនេះក្តី ជុំ លីណូ ក៏អះអាងថា លោកនឹងបញ្ចប់វប្បធម៌ កូពីក្នុងពេលឆាប់ៗខាងមុខ តាមលទ្ធភាព ដែលអាចធ្វើបាន ៕
មតិយោបល់