Post News Media ព័ត៌មានសិល្បៈ និងកម្សាន្ត ព្រឹត្តិការណ៍...

ព្រឹត្តិការណ៍សិល្ប:ខ្មែរនៅវៀតណាម ទទួលបានជោគជ័យ

វៀតណាម: កាលពីយប់ថ្ងៃទី៨ ខែកញ្ញា នៅក្នុងប្រទេសវៀតណាម មានការរៀបចំព្រឹត្តិការណ៍ «រាត្រីកម្ពុជា» យ៉ាងអធិកអធម ដោយមានតារា​ចម្រៀង និងតារាម៉ូតដែលខ្មែរយ៉ាងច្រើនកុះករចូលរួម។ នេះជាព្រឹត្តិការណ៍ដែលបានធ្វើឡើងរាល់ឆ្នាំក្នុងខែកញ្ញា ក្នុងបំណងផ្សារភ្ជាប់វិស័យទេសចរណ៍ និងវប្បធម៌រវាង​កម្ពុជា និងវៀតណាម ដើម្បីឲ្យមានការចាប់អារម្មណ៍លើវិស័យវិនិយោគ និងវិស័យទេសចរណ៍ឲ្យគ្នាទៅវិញទៅមក។

តារាចម្រៀងដែលបានបង្ហាញខ្លួននៅក្នុងពិធីនេះរួមមាន កញ្ញា សុន ស្រីពេជ្រ កញ្ញាសុខ សីឡាលីន អ្នកនាង ប៊ុត កល្យា លោកជិន វឌ្ឍនា និងតារាម៉ូតដែលបានបង្ហាញ​សម្លៀកបំពាក់បែបខ្មែរជាច្រើនរូបទៀត។

នៅក្នុងពិធីនោះ ក៏មានវត្តមានកីឡាករល្បុកត្តោ និងយុទ្ធក្រមខម ចូលរួមបង្ហាញក្បាច់គុនដើម្បីឲ្យភ្ញៀវបរទេស ជាពិសេសគឺជនជាតិខ្មែរ មានការចាប់អារម្មណ៍ចំ​ពោះ​សិល្ប:​របស់ខ្មែរផងដែរ។

កញ្ញា សុន ស្រីពេជ្រ បានអះអាងថាការសម្ដែងច្រៀងរាំរបស់តារាខ្មែរទាំងអស់ទទួលបានជោគជ័យ ដោយមានសារព័ត៌មានរបស់វៀតណាមកាន់តែច្រើន​បានផ្ដិតយករូប​ភាពសិល្ប:ក្នុងពេលសម្ដែងនោះ ។ ភ្ញៀវបរទេសដែលបានទស្សនាដោយផ្ទាល់ ក៏បានកោតសរសើរចំពោះក្រុមសិល្ប:ដែលបាន​ឡើងទៅសម្ដែងទាំងអស់ខុសប្លែក​ពីឆ្នាំមុនៗ​ផងដែរ។

កញ្ញា និយាយថាការសម្ដែងកាលពីរាត្រីថ្ងៃទី៨ កញ្ញានោះ មានការគាំទ្រយ៉ាងពេញទំហឹងពីបងប្អូនទស្សនា ជាពិសេសគឺភ្ញៀវបរទេស និងជនជាតិខ្មែរដែលរស់នៅ​ក្នុង​ប្រទេស​នោះតែម្ដង ។ ដូច្នេះហើយ ទើបកញ្ញាយល់ថា ការសម្ដែងសិល្ប:លើកនេះ នឹងធ្វើឲ្យភ្ញៀវវៀតណាម និងជនបរទេសដែលបានទៅកម្សាន្តនៅវៀតណាម នឹងចុះមក​លេងកម្ពុជាកាន់តែច្រើន។ កញ្ញាបានបន្តថា ក្រុមសិល្ប:ទាំងអស់នឹងវិលត្រលប់មកដល់ប្រទេសកម្ពុជាវិញនៅថ្ងៃទី៩ ខែកញ្ញានេះ បន្ទាប់ពីការសម្ដែងទទួលបានជោគជ័យ ៕

សិស្ប:

សិស្ប:

សិស្ប:

សិស្ប:

សិស្ប:

សិស្ប:

សិស្ប:

សិស្ប:

សិស្ប:

សិស្ប:

សិស្ប:

សិស្ប:

សិស្ប:

សិស្ប:

សិស្ប:

សិស្ប:

សិស្ប: