ភ្នំពេញ: ខណ:ដែល យាយណាង និងតាប៉ិគក់ កំពុងជួបនូវបញ្ហាក្នុងជីវភាពនោះ សិល្បករម្នាក់សូមមិនបញ្ចេញឈ្មោះ បានស្នើសូមឲ្យ ចន ចាន់លក្ខិណា ជួយដល់ សិល្បករពីរដួងខាងលើ កំពុងមានបញ្ហាក្នុងជីវភាព។
ការស្នើសូមរបស់សិល្បករម្នាក់ សូមមិនបញ្ចេញឈ្មោះ នោះ ដោយសម្អាងទៅលើ ចន ចាន់លក្ខិណា មាន សមាគមមិត្តសិល្ប:ស្ម័គ្រចិត្តជួយសង្គម ។
សម្តីរបស់សិល្បករខាងលើ ដែលសូមមិនបញ្ចេញឈ្មោះ បានប្រាប់ Post News ឲ្យដឹងថា ដោយមើលឃើញពី ជីវភាពរបស់ លោកយាយ ណយ សំណាង និង តាប៉ិគក់ កំពុងមានបញ្ហានោះ សូមឲ្យ អ្នកនាងចន ចាន់លក្ខិណា ជួយពួកគាត់ផង។
ប្រភពខាងលើ បានបន្តថា តារាចាស់ៗពីរដួងខាងលើនេះ ក្រៅពីមានអាយុច្រើនហើយ គឺមានជំងឺប្រចាំកាយទៀត ដោយ តាប៉ិគក់ ឈឺដេកនឹងកន្ទ្រេល រកអ្វីមិនបាន ខណ:ដែលមានជំងឺពកឆ្អឹងខ្នង ហើយ យាយ ណយ សំណាង វិញ មានអាយុ ៧៣ឆ្នាំ ទៅហើយ នៅតែបន្តថតបទចម្រៀង និងកុន ព្រោះតែជីវភាព ស្របពេលដែលមានជំងឺបេះដូង ក្នុងខ្លួនធ្វើទុក្ខម្តងៗ ។
ការស្នើសូមខាងលើ ទំនងសម្អាងទៅលើ សមាគមមិត្តសិល្ប:ស្ម័គ្រចិត្តជួយសង្គម បង្កើតរយ:ពេលខ្លី តែមានប្រជាប្រិយភាពខ្លាំង នៅក្នុងសង្គម ហើយសមាគមមួយនេះ មានអ្នកសិល្ប:ល្បីៗ ដែលអាចជួយទ្រទ្រង់ ដល់សិល្បករ ចំណាស់ពីរដួងនេះ ៕
មតិយោបល់