ភ្នំពេញៈ លោក សាន សុវណ្ណនិស្ស័យ ដែលជាអ្នកគ្រប់គ្រង និងរៀបចំទូទៅ បានថ្លែងប្រាប់ Post News ឲ្យដឹងថា ការដាក់ឈ្មោះផលិតកម្ម Silent Production បែបនេះ មិនមែនបានន័យថា ជាផលិតកម្មស្ងាត់ៗ ឬ ដូចពាក្យគេនិយាយថា មកហើយ ទៅវិញហើយ នោះទេ ។​

អ្នកគ្រប់គ្រង​វ័យ ២៤ ឆ្នាំ​ខាងលើ បាន​អះអាងថា ការដាក់ឈ្មោះ ផលិតកម្មខាងលើថា Silent Production នេះវា​មិនមែនមានន័យថាដូច​អ្វីដែលបងប្អូន និងប្រិយមិត្តគិតនោះទេ វាគ្រាន់តែ​ឈ្មោះមួយ សម្រាប់​ការហៅតែប៉ុណ្ណោះ ហើយក៏មិនមែនមានន័យថា មកហើយ​ បិទវិញទៀតហើយ​ នោះដែរ​។

សាន សុវណ្ណនិស្ស័យថា «កន្លងមក​ប្រិយមិត្តជាច្រើន បានសួរ​ខ្ញុំពី​អត្ថន័យ​នៃឈ្មោះផលិតកម្មដែរ តែវាមិនប្លែកនោះទេ គឺដូច​អ្វីដែលខ្ញុំប្រាប់ខាងលើ អ៊ីចឹង​» ។​

មកទល់នឹងពេលនេះ ផលិតកម្ម Silent Production បើកបាន កន្លះឆ្នាំហើយ ហើយគោលដៅនៃផលិតកម្ម​មួយនេះគឺ ផ្តោតលើការផលិតបទនិពន្ធថ្មី ឬ គេហៅថា Original Song ។ នេះបើតាមសម្តី អ្នកគ្រប់គ្រង​វ័យ ២៤ឆ្នាំ ជា​អ្នកខេត្តសៀមរាប បានប្រាប់ ៕​