ភ្នំពេញ: ការបង្ហាញខ្លួនរបស់ឌុច លីដា ក្នុងខ្សែភាពយន្តចិន ដែលលេងស្ទីលកោរត្រងោល នោះ មានមជ្ឈដ្ឋាន ខ្លះបានយល់ច្រឡំថា នាងបានកោរត្រងោលមែនទែន ព្រោះតែផលិតកម្មរបស់ចិន ឲ្យតម្លៃខ្ពស់ ។
បើតាមធាតុពិត ឌុច លីដា មិនបានកោរត្រងោលនោះឡើយ វាគ្រាន់តែ ជាបច្ចេកទេសរបស់ផលិតករចិន បិទបាំងសក់ ធ្វើយ៉ាងណា ឲ្យមើលទៅ ត្រងោល សាកសមនិងតួជាដូនជី តែប៉ុណ្ណោះ។
បើតាមប្អូនស្រីរបស់ ឌុច លីដា បានប្រាប់ដល់ Post News នៅព្រឹកថ្ងៃទី២១ ខែកញ្ញា ឆ្នាំ២០១៦ ឲ្យដឹងថា បងស្រីរបស់នាង មិនបានកោរត្រងោលដូចអ្វីដែលគេលើកឡើងនោះទេ គឺមានវីដេអូបញ្ចាក់រួចហើយតើ គ្រាន់តែជាបច្ចេកទេស ខាងផលិតកម្ម។
ប្អូនស្រីរបស់ ឌុច លីដា ថា«បងស្រីខ្ញុំ មិនបានកោរទេ វាគ្រាន់តែជាបច្ចេកទេសផលិតករ ហើយការបង្ហាញខ្លួននេះ គាត់ថតឲ្យផលិតកម្មចិន ជាមួយនឹងខ្សែភាពយន្តក្រោមចំណងជើងថា Summer Of Slame » ។
ពាក់ព័ន្ធតម្លៃខ្លួនថតឲ្យ ផលិតកម្មចិន ប្រភពខាងលើ សូមមិនទម្លាយព្រោះជាច្បាប់របស់ខាងផលិតកម្ម ដោយគ្រាន់តែប្រាប់ថា បានថ្លៃខ្ពស់គួរសម ក្នុងការថតភាពយន្តមួយនេះ ៕
ទស្សនាវីដេអូឃ្លិបដូចខាងក្រោមនេះ៖
មតិយោបល់