វៀតណាម: ស្គរសំរឹទ្ធ Dong Son វ័យចំណាស់មួយដែលមានអាយុកាលពីចន្លោះ ២០០០ ដល់២៥០០ ឆ្នាំមុន កំពុងថែរក្សាក្នុងសារមន្ទី Ho Citadel វៀតណាម ដែលត្រូវបានគេរកឃើញ នៅក្បែរតំបន់បេតិភណ្ឌពិភពលោក នៅឯខេត្ត Thanh Hao ប្រទេសវៀតណាម។
យោងតាមភ្នាក់ងារសារព័ត៌មានចិន ស៊ិនហួរ នៅព្រឹកថ្ងៃទី២៦ ខែកញ្ញា ឆ្នាំ២០១៦ ឲ្យដឹងថា ប្រជាជនដែលរស់នៅក្បែរតំបន់បេតិភណ្ឌ បានជួបប្រទះស្គរបុរាណនោះ នៅក្នុងស្រុក Vinh Loc ស្ថិតនៅចំងាយប្រមាណ មួយគីឡូម៉ែត្រ ពីតំបន់ Citadel of Ho Dynasty ដែលត្រូវបានអង្គការ UNESCO ចុះបញ្ជីជាតំបន់បេតិភណ្ឌពិភពលោក កាលពីឆ្នាំ២០១១។
ស្គរសំរិទ្ធ Dong Sonបុរាណនេះមានទំហំ ៥៩សង់ទីម៉ែត្រ និង កម្ពស់៤៣សង់ទីម៉ែត្រ មានក្បូរក្បាច់រចនាល្អប្រណិត បើទោះបីជាមានផ្នែកខ្លញបានបាក់បែកក៏ដោយ។
ស្គរសំរិទ្ធ Dong Son បានផលិតដោយសារម្ទីវប្បធម៌ Dong Son នៃតំបន់ទន្លេក្រហមនៅប្រទេសវៀតណាម ចាប់ពី ឆ្នាំ៦០០មុនគ.ស ឬក៏ជិតដល់ដើមសតវត្សរ៍ទី៣ នៃគ.ស ហើយស្គរសំរិទ្ធនេះដែរ បានបង្ហាញពីវប្បធម៌ច្នៃលោហៈធាតុរបស់ជនជាតិវៀតណាម៕ 
មតិយោបល់