ភ្នំពេញ: បទ «នំអន្សមខ្មែរ» គឺជាបទទាក់ទងភ្ជុំបិណ្ឌដំបូងរបស់តារាចម្រៀង ស៊ូ ស៊ីរិកា និងពេជ្រ ថាណា ដែលចេញនៅផលិតកម្មថោន ហើយក៏ជាបទដំបូង របស់កវីនិពន្ធ ជួន សុជា ដែលបានបង្ហាញស្នាដៃបទនិពន្ធថ្មីនៅផលិតកម្មមួយនេះ។
បទ «នំអន្សមខ្មែរ» ជាបទមួយដ៏មានអត្ថន័យ បង្ហាញពីនំ ជាអត្តសញ្ញាណខ្មែរ ដែលមានប្រវត្តិយូរលង់ ដែលត្រូវបានកវីនិពន្ធវ័យក្មេង លើកយកមកធ្វើជាចម្រៀង ដើម្បីបញ្ជាក់ទៅកាន់សកលលោកថា នេះជារបស់ខ្មែរ ។
ទាក់ទងនឹងបទថ្មីរបស់ ស៊ូ ស៊ីរិកា និង ពេជ្រ ថាណា និងជាបទដំបូងសម្រាប់អ្នកទាំងពីរក្នុងឱកាសបុណ្យភ្ជុំនេះ លោក ជួន សុជា ដែលជាកវិនិពន្ធវ័យក្មេង ដែលទើបចូលជ្រកក្នុងផលិតកម្ម ទីក្រុងភាពយន្ត រយ:ពេល ២ខែ បានប្រាប់ ឲ្យដឹងថា ការសរសេរបទ «នំអន្សមខ្មែរ» នេះដោយយល់ឃើញថា ជាទម្លាប់របស់ខ្មែរ នាខែបុណ្យភ្ជុំ គឺតែងតែវិច នំន្សម ដើម្បីយកទៅវត្ត ធ្វើហូបលក្ខណ:គ្រួសារ ដែលជាទំនៀមទំលាប់តាំងពីបុរាណកាលមក។
កវីនិពន្ធមកពីខេត្តតាកែវ ថា «ខ្ញុំព្យាយាមសរសេរបទនេះ ក៏ព្រោះតែយល់ឃើញថា នំអន្សមជាអត្តសញ្ញាណខ្មែរ គួរលើកតំកើង ដើម្បីឲ្យកូនខ្មែរ កុំភ្លេចនំអន្សម ដែលជានំដូនតារបស់យើងបន្សល់ទុកឲ្យ ចឹងគួររំឭកអ្វីៗ ដែលពួកគាត់ទុកឲ្យ» ។
បញ្ជាក់ផងដែរថា បទ «នំអន្សមខ្មែរ» ជាបទស្នាដៃនិពន្ធថ្មី និង សរសេរទំនុកបទនេះដោយ កវីនិពន្ធ ជួន សុជា ៕
ស្តាប់បទ នំអន្សមខ្មែរ ដូចខាងក្រោមនេះ៖
មតិយោបល់