ទស្សនាវដ្តី Magazine OK! បានចេញផ្សាយមានចំណងជើងថា លោក Brad និងអតីតភរិយានាង Jennifer Aniston ណាត់ជួបគ្នាពិភាក្សារឿងផ្លូវអារម្មណ៍ នៅក្នុងទីក្រុង Los Angeles ដោយលាយឡំដោយរូបភាពយល់ច្រទ្បំថា លោក Brad Pitt និង នាង Jennifer Aniston លួចលាក់ជួបគ្នាស្ងាត់ៗ ។ នេះដោយយោងតាមសារព័ត៌មាន kenh14 នៅថ្ងៃទី០៧ ខែតុលា ឆ្នាំ២០១៦ ។

ប្រភពភ្នាក់ងារដដែល បានព្យាយាមទាក់ទង តាមរយ:សារ SMS នឹង ហៅទៅកាន់ទូរស័ព្ទដៃ របស់ Brad ដើម្បីសុំបំភ្លឺរឿងនេះ ខណ:លោកកំពុងមានរឿងបែកបាក់គ្នាជាមួយ Angelina Jolie ។ ក៏ប៉ុន្ដែប្រភពព័ត៌មាន បានត្រឹមតែឲ្យដឹងថា Brad បានត្រឹមតែនិយាយឆ្លើយឆ្លងគ្នា តាមរយ:ទូរស័ព្ទដៃជាមួយនាង Jennifer Aniston អតីតភរិយាលោក ក្នុងកំពុងពេលដែលលោកមានរឿង លែងលះគ្នាថ្មីៗ ជាមួយ Angelina Jolie ហើយ Jennifer Aniston បាននិយាយពាក្យលើកទឹកចិត្ត លោកតែប៉ុណ្ណោះ ។

គួរបញ្ចាក់ផងដែរថា រងើកភ្លើងស្នេហ៍ចាស់ បានរលត់ម្ដងរួចទៅហើយ ក្នុងការលើកទឹកចិត្តនេះ មិនមែនបានសេចក្ដីថា Brad ចង់បង្កាត់ភ្លើងឡើងវិញនេះទេ ព្រោះថាបច្ចុប្បន្ននេះ លោកកំពុងសោកសៅ ហើយឈឺចាប់នឹងមានវិប្បសារីបំផុត នៅពេលដែលលោកបាន ជួបមុខកូនៗ ជាលើកដំបូងបន្ទាប់ពី មានរឿងលែងលះ ៕