បទ «ជីវិតអ្នកប្រដាល់» ក្រោយចេញលើទីផ្សារទទួលបានការគាំទ្រខ្លាំង ប៉ុន្តែទន្ទឹមជាមួយនឹងគ្នានោះដែរ ក៏ទទួលបានការរិះគន់ឲ្យកែពាក្យខ្លះៗ ហើយក៏ត្រូវបានក្រសួងយកបទ មួយនេះដាក់លើតុ ដើម្បីដោះស្រាយបញ្ហាដែលកើតមាន និងដាក់បម្រាមមួយចំនួន ។
ជុំវិញបញ្ហាដ៏រសើបមួយនេះ វាកំពុងធ្វើឲ្យអ្នកលេងបណ្តាញសង្គមហ្វេសប៊ុកចាប់អារម្មណ៍ ដោយអ្នកខ្លះបញ្ចេញទាំងមតិស្របគាំទ្របទនេះ និងបញ្ចេញមតិខ្វែង គាំទ្របម្រាមរបស់ក្រសួង ។
ត្រង់ចំណុចនេះ លោក ងួន សុបិន ដែលជាអ្នកនិពន្ធ និងជាតារាសម្តែងកំពុងពេញនិយមបានប្រាប់ Post News តាមរយ: Messenger ហ្វេសប៊ុកឲ្យដឹងថា តាមពិត រឿងរ៉ាវពាក់ព័ន្ធនឹងបទចម្រៀងនេះ បានបញ្ចប់កាលពី ១ខែ មុន ប៉ុន្តែមិនដឹងថា គេហទំព័រក្នុងស្រុកមួយនោះ មានបំណងអ្វី បានជាឆ្កឹះឡើងវិញយ៉ាងដូច្នោះ ។
លោក ងួន សុបិន ថា «តាមពិតយើងរឿងការរិះគន់ពីក្រសួងវប្បធម៌ និង សហព័ន្ធកីឡា ខ្ញុំទទួលបានការរិះគន់ ពីគាត់ តែយើងបានជជែកវែកញែកនៅលើតុហើយៗ និងបានសម្របសម្រួលតាមរយ:ការងារអស់ហ្នឹង ជិតមួយខែទៅហើយ អ៊ីចឹងព័ត៌មានចុះផ្សាយថ្មីៗនេះ យើងអត់ដឹងប្រភពគាត់លេចឭពីណានោះទេ »។
កវីនិពន្ធខាងលើ បានបញ្ជាក់ថា បទ «ជីវិតអ្នកប្រដាល់» នេះត្រូវបានក្រសួង បញ្ឈប់មិនឲ្យផ្សព្វផ្សាយ គ្រប់បណ្តាញផ្សព្វផ្សាយទាំងអស់៕
មតិយោបល់