បន្ទាប់ពីមានការ Troll លើបណ្តាញសង្គមហ្វេសប៊ុកថា ពួកមីយកប្តីគេភាគច្រើនមានមុខរបរជាអ្នកចម្រៀង100% នោះ ក៏មានបុរសម្នាក់បានចេញប្រតិកម្ម ហើយលោក សុះ ម៉ាច ប្រធានសមាគមសិល្បករកម្ពុជា ក៏បានទទួលស្គាល់ផងដែរថា «មានអ្នកសិល្ប:ខ្លះយកប្តីគេ តែមិនមែនទាំងអស់» ។
ថ្លែងប្រាប់គេហទំព័រ Post News Media តាមរយ:ទូរស័ព្ទ នៅព្រឹកថ្ងៃទី៣ ខែវិច្ឆិកា ឆ្នាំ២០១៦ លោក សុះ ម៉ាច បានឲ្យដឹងថា នេះគឺជាការនិយាយពាក្យមុសា ដែលមិនគិតពីផលប៉ះពាល់ដល់សិល្បករ សិល្បការិនី ហើយវាមានអ្នកខ្លះក្នុងសង្គមវាចឹងមែន ហើយអ្នកក្នុងសិល្ប:វាមិនល្អទាំងអស់នោះទេ ។
លោក សុះ ម៉ាច បានបន្តថា កាលដែលផេក Troll នោះ មកវាយប៉ាត ទាំងអស់នោះ វាមិនត្រូវនោះទេ តែវាមានសម្រាប់បុគ្គលមួយចំនួន ។
ក្នុងនោះដែរ ប្រធានសមាគម សិល្បករកម្ពុជា ថា«ខ្ញុំមិនមែនថា មិនទទួលស្គាល់រឿងនេះ វាមិនកើតមែននោះទេ ដោយយើងសង្កេតឃើញមានដោយចំនួន តែបើផេកនោះ និយាយអ៊ីចឹងវាប៉ះពាល់ដល់សេចក្តីថ្លៃថ្នូរ អ្នកសិល្ប:ដទៃ » ។
ទោះបីជាយ៉ាងណា លោក សុះ ម៉ាច នឹងប្រើពេលស្រាវជ្រាវ រួចប្រជុំក្រុមប្រឹក្សាសិល្ប: ដើម្បីឲ្យផេកនោះ ធ្វើការសូមទោសជាសាធារណ: បន្ទាប់ពីប្រមាថ កាតទានអ្នកសិល្ប:នោះ ៕
ទស្សនាវីដេអូ ដែលបុរសម្នាក់ ប្រតិកម្មចំពោះផេក Troll ៖
មតិយោបល់