កាលពីយប់ថ្ងៃ៩ វិច្ឆិកា អតីតតារាចម្រៀងប្រចាំផលិតកម្ម BS លោកគង់ សង្វាដានី ជាប្អូនប្រុសពៅអ្នកនាងគង់ សុជាតិ បានចូលរោងការយ៉ាងអធឹកអធម ក្រោមវត្តមានតារាសិល្បៈសុទ្ធតែល្បី។ លោកបានរៀបការជាមួយ ម្ចាស់ហាងលក់សំលៀកបំពាក់ធំមួយ នៅផ្សារផេនសល បន្ទាប់ពីបានចំណាយពេល ស្រលាញ់គ្នាជិត១០ឆ្នាំ ។

ពិធីមង្គលការនេះ មានចំនួន១០០តុ តែត្រូវបានអញ្ជើញតារាសិល្ប:តែ៥តុទេ ដោយសុទ្ធតែវត្តមានតារាល្បីតែម្ដង។ ភរិយារបស់លោកឈ្មោះ នង សម្ផស្ស មានវ័យ២៧ឆ្នាំ ជាអ្នកមានតូបជួលនៅផ្សារផេនសលផង លក់សំលៀកបំពាក់ខ្លួនឯងផង និងជាអ្នករកស៊ីចងការប្រាក់ផង ខណៈដែលកូនកំលោះមានវ័យ៣១ឆ្នាំ ។ អ្នកនាងគង់ សុជាតិ ជាអ្នកចេញមុខក្នុងពិធីមង្គលនេះ ដោយអះអាងថាក្រោយពីបាត់មុខក្នុងពិភពចម្រៀង គឺលោក គង់ សង្វារដានី បានក្លាយខ្លួនជាជាងថតរូបអាជីពក្នុងពិធីធំ ។ អ្នកនាងថាលោកមិនត្រលប់មកអាជីពសិល្បៈវិញទេ ដោយសារតែជាប់ប្រកបជំនួញ ។ ម្យ៉ាងមកពីលោកក៍អស់ចិត្តនឹងការច្រៀងរាំដូចមុនផង ទើបប្អូនប្រុសរបស់អ្នកនាង បាត់ឈឹងតែម្ដងពីសិល្បៈ ។