-

ជនសង្ស័យ ២នាក់ ឆក់បានសម្រេច តែត្រូវម្ចាស់ស្រែកថា ចោរៗ ផ្អើល ដល់សមត្ថកិច្ចចាប់ឃាត់ខ្លួន

កណ្ដាល: យោងតាមផេកការិយាល័យផ្សព្វផ្សាយតាមបណ្តាញសង្គមបានឲ្យដឹងថា ​ថ្ងៃទី៣០ ខែកក្កដា ឆ្នាំ២០២១​ វេលា​ម៉ោង​ ១៨.២០នាទី​មានករណីលួច​មាន​ស្ថាន​ទម្ងន់​ទោស​(ឆក់​ខ្សែក)ចំណុចកើតហេតុភូមិ​ឈើនាង ឃុំ​គោកត្រប់​ ស្រុកកណ្ដាលស្ទឹង ខេត្តកណ្ដាល ។

ជនរងគ្រោះឈ្មោះ​ ចាន់​ ស៊ី​នឿន​ ភេទ​ស្រី​ អាយុ​ ៤១ឆ្នាំ​មាន​ទីលំនៅ​ភូមិ​ឈើនាង ឃុំ​គោកត្រប់​​ ស្រុកកណ្តាល​ស្ទឹង​ ខេត្ត​កណ្ដាល​ មុខ​របរ​ កម្មការិនី​រោង​ចក្រ​​។

ជនសង្ស័យ ២នាក់​៖
១-ឈ្មោះ ធា​ រស្មី​​ ភេទប្រុស អាយុ ២១ឆ្នាំ​ មានទីលំនៅផ្ទះ​លេខ​៣៩​ ផ្លូវ​រថភ្លើង​ ភូមិ​១៤​ ​សង្កាត់​បឹង​កក់​ទី១​ ខណ្ឌ​ទួលគោក​ រាជធានី​ភ្នំពេញ​ ​ មុខ​របរ​មិន​ពិត​ប្រាកដ​(ឃាត់ខ្លួន​)។
២-ឈ្មោះ​ ប៉ែន​ ណា​វិត ភេទ​ប្រុស​ អាយុ​ ១៩ឆ្នាំ​ មានទីលំនៅផ្លូវ​រត់​ភ្លើង​ ​ភូមិ​១៤​ សង្កាត់​បឹង​កក់​ទី​១​ ខណ្ឌ​ទួលគោក​ រាជធានី​ភ្នំពេញ​​ មុខ​របរ​ មិនពិតប្រាកដ​ (ឃាត់​ខ្លួន​)។

វត្ថុតាងចាប់យក៖​
-ម៉ូតូ​មួយគ្រឿង​ម៉ាក​ Honda​ Scoopy i ពណ៌​ ខ្មៅ​ស៊េរី​ឆ្នាំ​២០១៧​ ពាក់​ស្លាក​លេខ​ ភ្នំពេញ​ 1GP 2006
-ទូរស័ព្ទ​ដៃ២គ្រឿង

សម្ភារ:​បាត់​បង់​រួម​មាន​៖
​ -ខ្សែកផ្លាកទីន​ចំនួន​ ១ខ្សែ​ ទំងន់​ ៧ជី។

នៅថ្ងៃ​ទី​ខែឆ្នាំ​មុនពេល​កើតហេតុ​ខាងលើវេលាម៉ោង១៨:០០នាទី​​ជនរងគ្រោះ​ និង​ប្អូន​ស្រី​ឈ្មោះ​ ចាន់​ វណ្ណ:​ អាយុ​៣៦ឆ្នាំ​ បា​ន​ជិះ​ម៉ូតូ​មួយគ្រឿង​ម៉ាក​Honda​ scoopy i ពណ៌​ ស​ ​ចេញ​ពី​ធ្វើ​ការ​រោងចក្រ​ទឹក​ថ្លា​មកផ្ទះ​របស់ខ្លួន​ ពេល​ជិះ​មកដល់​កន្លែង​កើតហេតុ​ស្រាប់តែ​មាន​ជនសង្ស័យ​ចំនួន​ពីរ​នាក់​ខាងលើ​ជិះ​ម៉ូតូ​មួយគ្រឿង​មកពីក្រោយ​ស្របទិសគ្នាបានធ្វើសកម្មភាឆក់ខ្សែក​ ជនរងគ្រោះ​បានសម្រេច​ រួចជិះគេចខ្លួន​ តែត្រូវ​ជនរង​​គ្រោះ​ជិះ​ដេញ​តាម​ពី​ក្រោយ​ហើយ​ស្រែក​ថា​ចោរៗ​ ភ្លាម​នោះ​កំម្លាំង​ប្រជាការពារ​និង​កម្លាំង​ប៉ុស្តិ៍​នគរបាល​រដ្ឋ​បាល​ឃុំ​គោកត្រប់​បាន​ដេញ​តាមពីក្រោយ​ ភ្លាម​នោះ​ជនសង្ស័យ​បាន​ផ្តួល​ម៉ូតូ​រត់គេច​ខ្លួន​តែត្រូវ​ប្រជាការពារ​និង​កម្លាំង​ប៉ុស្តិ៍​នគរបាល​រដ្ឋ​ឃុំ​ គោកត្រប់​ចាប់​ឃាត់​ខ្លួន​ជនសង្ស័យ​ទាំង​ពីរ​នាក់​ខាងលើ​បញ្ជូន​មកកាន់​អធិការ​ដ្ឋាន​នគរបាល​ស្រុកកណ្តាល​ស្ទឹង​ដើម្បី​កសាង​សំនុំរឿងតាម​នីតិវិធី​ច្បាប់​៕

មតិយោបល់