ព័ត៌មានជាតិ

ជប៉ុនផ្ដល់ជំនួយឥតសំណងជាង៣០ម៉ឺនដុល្លារ សម្រាប់កសាងអគារសិក្សា និងមណ្ឌលសុខភាពនៅខេត្ត៤

ភ្នំពេញ: ជាជំនួយឧបត្ថម្ភសម្រាប់គម្រោងទ្រង់ទ្រាយតូចសន្តិសុខមនុស្សជាតិ នៃកិច្ចសហប្រតិបត្តិការសេដ្ឋកិច្ចរបស់រដ្ឋាភិបាលជប៉ុន បានយល់ព្រមផ្ដល់ថវិកាសរុបចំនួន ៣០៥,៣១៤ដុលា្លរអាមេរិក សម្រាប់សាងសង់អគារសិក្សា៣កន្លែងនិងសម្ភពនិងរោគស្រ្តី១កន្លែងនៅខេត្តចំនួន៤នៃប្រទេសកម្ពុជា។

ការប្រគល់នេះបានធ្វើឡើងក្នុងពិធីចុះហត្ថលេខានៅថ្ងៃទី២៥ ខែវិច្ឆិកា ឆ្នាំ២០១៦ នៅស្ថានទូតជប៉ុនប្រចាំកម្ពុជានៅពេលនេះ គឺជាជំនួយឧបត្ថម្ភឥតសំណង សម្រាប់គម្រោងទ្រង់ទ្រាយតូច សន្តិសុខមនុស្សជាតិ (ជំនួយគូសាណូណិ) ក្រោមវត្តមាន លោក ហ៊ីដេហ៊ីសា ហូរីណូអ៊ុជិ ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុន និងតំណាងអង្គភាពទទួលជំនួយទាំង៤។

គម្រោងទាំង៤នោះរួមមានទី១. ថវិកាចំនួន ៥៨.៨០០ដុលា្លរ សម្រាប់គម្រោងសាងសង់អគារសិក្សាមួយខ្នង នៅសាលាបឋមសិក្សាឈើទាលជ្រំ ក្នុងស្រុកវាលវែង ខេត្តពោធិ៍សាត់។ ទី២.ថវិកាចំនួន ៨១.៨១៨ ដុលា្លរ សម្រាប់គម្រោងសាងសង់អាគារសិក្សាមួយខ្នង នៅសាលាបឋមបឹងស្នួល ក្នុងស្រុកបវេល ខេត្តបាត់ដំបង។ ទី៣. ថវិកាចំនួន៨២.៣៥៥ ដុលា្លរ សម្រាប់គម្រោងសាងសង់អគារសិក្សាមួយខ្នង នៅបឋមសិក្សាឃ្លាំង ក្នុងស្រុកបាភ្នំ ខេត្តព្រៃវែង និងទី៤. ថវិកាចំនួន ៨២.៣៤១ ដុល្លារ សម្រាប់គ្រោងសាងសង់អគារសម្ភព និងរោគស្រ្តី នៅមន្ទីពេទ្យបង្អែកត្រពាំងក្រឡឹង ក្នុងខេត្តកំពង់ស្ពឺ៕

photo_2016-11-25_16-31-02

photo_2016-11-25_16-30-59

photo_2016-11-25_16-31-01

មតិយោបល់