កំពង់ចាម: នៅថ្ងៃទី២៦ ខែវិច្ឆិកា ឆ្នាំ២០១៦នេះ នៅវេលាម៉ោង១០និង៤០នាទី មានករណីសាកសពអណ្តែតទឹកមួយ បានធ្វើឲ្យមានការភ្ញាក់ផ្អើលដល់អ្នកភូមិ ដែលរស់នៅក្នុងនៅចំណុចស្រះទឹក ដែលស្ថិតក្នុងងភូមិទី៦ ឃុំព្រែកតានង់ ស្រុកកោះសូទិន ខេត្តកំពង់ចាម។

សមត្ថកិច្ចមូលដ្នានបានឲ្យដឹងថា ជនរងគ្រោះមានឈ្មោះ ឡុង ណៃស្រ៊ន់ អាយុ៦៦ឆ្នាំ មានទីលំនៅនៅភូមិទី៦ ឃុំព្រែកតានង់ ស្រុកកោះសូទិន ដោយមានជំងឺសសៃរប្រាសាទប្រចាំកាយផង បានចុះងូតទឹកស្រះម្នាក់ឯង ហើយលង់ទឹកស្រះស្លាប់តែម្តងគ្មានអ្នកណាជួយបានឡើយ។

ក្រោយពេលកើតហេតុ កម្លាំងជំនាញបានចុះមកពិនិត្យសាកសពមិនឃើញមានស្លាកស្នាមអ្វីទេ ហើយបានសនិ្នដា្ននថា ពិតជាលង់ទឹកស្រះស្លាប់មែន ក្រោយពីពិនិត្យរួចរាល់ទើប កម្លាំងជំនាញប្រគល់ជូនក្រុមគ្រួសារធ្វើបុណ្យតាមប្រពៃណី៕