ព្រះសីហនុៈ យោងតាមផេកអគ្គនាយកដ្ឋានកាំកុងត្រូល បានឲ្យដឹងថា នៅព្រឹកថ្ងៃទី៩ ខែឧសភា ឆ្នាំ២០១៧ មន្រ្តីសាខាកាំកុងត្រូលខេត្តព្រះសីហនុ សហការជាមួយស្ថាប័នពាក់ព័ន្ធ ធ្វើការដុតបំផ្លាញចោលទំនិញម្ហូបអាហារត្រីខកំប៉ុងម៉ាក Mackerels Canned Food ចំនួន ៤១កេស ស្មើរនឹង ៨១០គីឡូក្រាម ដែលខូចគុណភាព ហួសកាលបរិច្ឆេទ និងពុំមានស្លាកសញ្ញាត្រឹមត្រូវ ដោយយោងតាមច្បាប់ និងបទប្បញ្ញត្តិៈ
-ស្តីពីការគ្រប់គ្រងគុណភាព សុវត្ថិភាព លើផលិតផល ទំនិញ និងសេវា
-ប្រកាសលេខ 329 ស្តីពីវិធានការចំពោះផលិតផលម្ហូបអាហារ ដែលមានផ្លាកសញ្ញាពុំសមស្របតាមបទប្បញ្ញត្តិជាធរមាន
ផលិតផលខាងលើនាំចេញពីប្រទេសកូរ៉េ និងបានត្រួតពិនិត្យដកហូតពេលនាំចូលមកដល់កម្ពុជា តាមមាត់ច្រកអន្តរជាតិកំពង់ផែស្វយ័តក្រុងព្រះសីហនុ៕