ភ្នំពេញ៖ គ្រោះថ្នាក់ចរាណ៍មួយកើតឡើង ដោយម៉ូតូ២គ្រឿងបុកគ្នាពេញទំហឹងត្រង់ចំណុចផ្លូវកែងបណ្ដាលឲ្យរងការខូចខាត កាលពីវេលាម៉ោង២និង១០នាទីរំលងអាធ្រាឈានចូលថ្ងៃទី២១ ខែមិនា ឆ្នាំ២០១៤ នៅចំណុចផ្លូវលេខ១៣០កែងផ្លូវ១៣ ស្ថិតក្នុងសង្កាត់ផ្សារកណ្ដាលទី១ ខណ្ឌដូនពេញ។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញយុវជនម្នាក់ស្រវឹងស្រាជោគជិះម៉ូតូមួយគ្រឿងម៉ាក PCX ពណ៌ក្រហម ពាក់ភ្នំពេញ 1CF-3306 ធ្វើដំណើរតាមបណ្ដោយផ្លូវលេខ១៣ ក្នុងទិសដៅពីជើងទៅត្បូងលុះមកដល់ចំណុចកើតហេតុស្រាប់តែមានម៉ូតូហ្វីណូ ពណ៌ក្រហម ធ្វើដំណើរតាមបណ្ដោយផ្លូវលេខ១៣០ ក្នុងទិសដៅពីកើតទៅលិចបានជ្រុលបុកពេញទំហឹងបណ្ដាលឲ្យរងការខូចខាតទាំងសងខាង។
ក្រោយពេលកើតហេតុភាគីទាំងសងខាងបានធ្វើការសម្របស្រួលគ្នាដោយយកម៉ូតូទៅជួសជុលរៀងៗ៕
មតិយោបល់