ភ្នំពេញ ៖ នៅថ្ងៃទី១ ខែមេសា ឆ្នាំ២០១៦ មានករណីគ្រោះថ្នាក់ចរាចរណ៍ នៅទូទាំងប្រទេសកើតឡើងចំនួន ៦លើក ក្នុងនោះយប់ ២លើក បណ្តាលឲ្យមនុស្សស្លាប់ ៦នាក់ រងរបួសធ្ងន់ ៣នាក់ (ស្រី១នាក់ ) និងរបួសស្រាល ២នាក់ (ប្រុស)។ នៅក្នុងហេតុការណ៍គ្រោះថ្នាក់ចរាចរណ៍ទាំង ៦លើកនេះ បណ្តាលឲ្យខូចខាតយានយន្ត សរុប ចំនួន ១០គ្រឿង រួមមាន ម៉ូតូចំនួន ៥គ្រឿង, រថយន្តធុនតូច ៤គ្រឿង ,រថយន្តធុនធំ ១គ្រឿង។
ប្រភពព័ត៌មានដដែលប្រាប់បន្តឲ្យដឹងថា មូលហេតុដែលបណ្តាល ឲ្យកើតមានករណីគ្រោះថ្នាក់ចរាចរណ៍ រួមមាន ល្មើសល្បឿន៤លើក (ស្លាប់ ៥នាក់) , ស្រវឹង ១លើក ,ងងុយដេក ១លើក ស្លាប់ ១នាក់ ។ ក្នុងនោះអ្នកមិនពាក់មួកសុវត្ថិភាព ពេលគ្រោះថ្នាក់ចរាចរណ៍ ៤នាក់ (យប់ ២នាក់)។ គ្រោះថ្នាក់លើដងផ្លូវ រួមមាន ផ្លូវជាតិចំនួន ៦លើក។ យានយន្តបង្កហេតុ រួមមាន ម៉ូតូ ១លើក រថយន្តធុនតូច ៤លើក, រថយន្តធុនធំ ១លើក។
យោងតាមរបាយការណ៍ពីនាយកដ្ឋានសណ្តាប់ធ្នាប់ នៃអគ្គស្នងការដ្ឋាននគរបាលជាតិប្រាប់បន្តទៀតឲ្យដឹងថា ខេត្ត រាជធានី ដែលមានគ្រោះថ្នាក់ និងរងគ្រោះថ្នាក់ច្រើន រួមមាន ភ្នំពេញ ១លើក ស្លាប់២នាក់ (ស្រី) របួស១នាក់ ស្រី , បន្ទាយមានជ័យ ២លើក ស្លាប់១នាក់ របួស១នាក់, បាត់ដំបង ១លើក ស្លាប់១នាក់ , សៀមរាប ១លើក ស្លាប់ ១នាក់ របួស១នាក់ និងខេត្តកំពង់ធំ ១លើកស្លាប់១នាក់។
ប្រភពព័ត៌មានពីនាយកដ្ឋានសណ្តាប់ធ្នាប់នៃអគ្គស្នង ការដ្ឋាននគរបាល ជាតិប្រាប់បញ្ជាក់ឲ្យដឹងថា កាលពីថ្ងៃទី១ ខែមេសា ឆ្នាំ២០១៦ លទ្ធផលត្រួតពិនិត្យអនុវត្តច្បាប់ចរាចរណ៍ផ្លូវគោកឃើញថា យានយន្តដែលល្មើសសរុបទូទាំងប្រទេសមាន ចំនួន ៧,០៩៦គ្រឿង ក្នុងនោះបានធ្វើការអប់រំចំនួន ២,៩៨២គ្រឿង ពិន័យសរុប ៤,១១៤គ្រឿង៕
មតិយោបល់