ភ្នំពេញ: នារសៀលថ្ងៃទី ២៩ ខែវិច្ឆិកា ឆ្នាំ២០១៦ កម្លាំងនគរបាលនាយកដ្ឋានស៊ើបអង្កេតនិងអនុវត្តនីតិវិធីនៃអគ្គនាយកដ្ឋានអន្តប្រវេសន៍ក្រសួងមហាផ្ទៃ ដឹកនាំកម្លាំងចុះបង្ក្រាបនិងចាប់ខ្លួនជនជាតិវៀតណាមខុសច្បាប់ដែលកំពុងស្នាក់នៅតាមបណ្តោយផ្លូវ៦០៨ ខាងលិចផ្ទះសំណាក់ស្រែលាភ ក្នុងភូមិ២៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។

ការត្រួតពិនិត្យនិងបង្ក្រាបនេះដែរ សមត្ថកិច្ចធ្វើការចាប់ឃាត់ខ្លួនបានជនជាតិវៀតណាមខុសច្បាប់ចំនួន៤នាក់ ក្នុងនោះមានស្រី៣នាក់ ត្រូវបានសមត្ថកិច្ចចាប់ឃាត់ខ្លួនក្រោយពីរកឃើញថា ពួគគេទាំង៤នាក់ បានលួចឆ្លងដែនខុសច្បាប់ ចូលមកស្នាក់នៅនិងប្រកបការងារក្នុងប្រទេសកម្ពុជា ដោយពុំមាននូវលិខិតឆ្លងដែន វីសារ ឬសៀវភៅការងារឲ្យបានត្រឹមត្រូវស្របតាមច្បាប់នៃប្រទេសកម្ពុជានោះទេ។

បច្ចុប្បន្នជនជាតិវៀតណាមទាំង ៤នាក់ ត្រូវបានសមត្ថកិច្ចនាំខ្លួនទៅកាន់អគ្គនាយកដ្ឋានអន្តោប្រវេសន៍ក្រសួងមហាផ្ទៃ ដើម្បីកសាងសំណុំរឿងចាត់ការតាមនីតិវិធីច្បាប់ ៕

//youtu.be/5SrO6W3JVVQ