ភ្នំពេញៈ ក្រសួងមហាផ្ទៃបានសម្រេចផ្លាស់ប្តូរ ផ្ទេរភារកិច្ច និងតែងតាំងមុខតំណែងមន្ត្រីនគរបាលជាតិចំនួន៣នាក់នៅខេត្តកំពង់ចាម និងខេត្តត្បូងឃ្មុំ។

មន្ត្រីនគរបាលជាតិ ដែលត្រូវផ្ទេរភារកិច្ចនោះរួមមាន ៖ លោកឧត្តមសេនីយ៍ទោ បែន រ័ត្ន អត្តលេខ០៨២៩ ពីស្នងការនគរបាលខេត្តកំពង់ចាម ត្រូវបានផ្លាស់ប្តូរទៅកាន់តំណែងជាស្នងការខេត្តត្បូងឃ្មុំ។

លោកឧត្តមសេនីយ៍ត្រី ម៉ៅ ពៅ អត្តលេខ០៦១២ ពីស្នងការខេត្តត្បូងឃ្មុំ ត្រូវប្តូរទៅកាន់តំណែងជាអនុប្រធាននាយយកដ្ឋានសរុបផែនការនៃសេនាធិការដ្ឋាន ។ ចំណែកលោកឧត្តមសេនីយ៍ត្រី ឯម កុសល អត្តលេខ០៣៦៨៥ ពីស្នងការរងខេត្តកំពង់ចាម ឡើងទៅជាស្នងការខេត្តកំពង់ចាម។

ពាក់ព័ន្ធនឹងព័ត៌មានខាងលើនេះ លេចឮយូរមកហើយ ប៉ុន្តែមិនទាន់ច្បាស់ តែអ្នកដែលដឹងរឿងនេះបញ្ជាក់ថា រឿងនេះពិតប្រាកដមែនហើយ ការរៀបចំដោះដូរនឹងត្រូវធ្វើខាងមុខនេះ៕