ព័ត៌មានជាតិ

នគរបាលឃាត់ខ្លួនជនសង្ស័យ២នាក់ ពាក់ពន្ធ័ករណីគ្រឿងញៀន

កណ្តាល: ដើម្បីអនុវត្តតាមគោនយោបាយភូមិឃុំមានសុវត្ថិភាព និងសមត្ថកិច្ចនគរបាលប៉ុស្តិ៍ឃុំគគីរ ធ្វើការឃាត់ខ្លួនជនសង្ស័យចំនួន២នាក់ ពីបទជួញដូរនូវសាធាតុញៀនខុសច្បាប់កាលពីវេលាម៉ោង១២និង៣០នាទី ថ្ងៃត្រង់ទី៣០ ខែវិច្ឆិកា ឆ្នាំ២០១៦ ត្រង់ចំណុចភូមិជ្រោយតាប៉ា ឃុំគគីរ ស្រុកកៀនស្វាយ ខេត្តកណ្តាល។

សមត្ថកិច្ចឲ្យបានដឹងថា ជនសង្ស័យទាំងអស់មានគ្នាចំនួន៣នាក់ ក្នុងនោះសមត្ថកិច្ចចាប់ខ្លួនបាន២នាក់ ទី១មានឈ្មោះ ប៉ាវ គីមហាក់ ភេទប្រុស អាយុ២៥ឆ្នាំ មុខរបរមិនពិតប្រាកដ រស់នៅភូមិគគីរ ឃុំគគីរ ស្រុកកៀនស្វាយ និងទី២មានឈ្មោះ យឹម រ៉ាវី ភេទប្រុស អាយុ១៩ឆ្នាំ មុខរបរមិនពិតប្រាកដ រស់នៅភូមិ ឃុំកើតហេតុខាងលើ។ ចំណែកជនសង្ស័យម្នាក់ទៀតដែលរត់គេចខ្លួនមានឈ្មោះ ចាន់ និមុល ភេទប្រុស អាយុ២២ឆ្នាំ មុខរបរមិនពិតប្រាក រស់នៅភូមិកោះបៀរ ឃុំគគីរ ស្រុកកៀនស្វាយ។

ក្នុងនោះដែរសមត្ថកិច្ចធ្វើការដកហូតបានវត្ថុតាងរួមមាន ម៉្សៅក្រាម ពណ៌សថ្លាសង្ស័យជាសាធាតុញៀន (ម៉ាទឹកកក) ចំនួន២កញ្ចប់តូច,ម៉ូតូ១គ្រឿងម៉ាក គុបជ្រុងសេ៥០ ពណ៌ស្លែ ពាក់ស្លាកលេខ ឈ.៨៩.២៦ភព១ រួមនឹងទូរសព្ទ២គ្រឿង។

មុននឹងឈានដល់ការចាប់ខ្លួនបានជនសង្ស័យខាងលើ កម្លាំងប៉ុស្តិ៍ និងកម្លាំងប្រឆាំងគ្រឿងស្រុក បានដឹកនាំកម្លាំងចុះល្បាតក្នុងភូមិសាស្រ្តខាងលើ ក៏ប្រទះឃើញជនសង្ស័យទើបធ្វើការឃាត់ខ្លួនរួមជាមួយនឹងវត្ថុតាង នាំមកកាន់ប៉ុស្តិ៍ធ្វើការសាកសួរតែម្តង ។

នៅចំពោះមុខសមត្ថកិច្ចជនសង្ស័យមានឈ្មោះ យឹម រ៉ាវី បានសារភាពថា ថ្នាំញៀនខាងលើនេះ គេបានទិញពីឈ្មោះ ចាន់ និមុល និងក្រោយពីមកផ្នែកជំនាញបានសុំគោលការណ៍ពីលោក ឧត្តមសេនីត្រីយ៍ ឈឿន សុចិត្ត ស្នងការរងខេត្តបានចុះទៅធ្វើការឆែកឆេរផ្ទះរបស់ឈ្មោះ កែវ គន្ធា ភេទស្រី អាយុ២៣ឆ្នាំ ត្រូវជាបងថ្លៃឈ្មោះ ចាន់ និមុល រកឃើញតែឧបករណ៍ប្រើប្រាស់ថ្នាំញៀនតែប៉ុណ្ណោះ។

បច្ចុប្បន្នជនសង្ស័យទាំង២នាក់ ខាងលើនេះត្រូវបានបញ្ជូនទៅអធិការដ្ឋានស្រុកដើម្បីកសាងសំណុំរឿងបញ្ជូនខ្លួនទៅកាន់តុលាការចាត់ការតាមផ្លូវច្បាប់៕

គ្រឿងញៀន

គ្រឿងញៀន

គ្រឿងញៀន

គ្រឿងញៀន

មតិយោបល់