ភ្នំពេញ: មធ្យោបាយ ជាកត្តាមួយផ្នែក ដែលបង្កការកកស្ទះ និងគ្រោះថ្នាក់ចរាចរស្ទើររាល់ថ្ងៃ តែបើសិនជារដ្ឋនៅតែអនុញ្ញាតឲ្យប្រើរួចមួយតឹកចូលទៀតនោះ រាជធានីភ្នំពេញ កាន់តែមានបញ្ហាប្រឈមអំពីការកកស្ទះចរាចរណ៍នេះកាន់តែខ្លាំងឡើង។

ប្រសិនបើរាជរដ្ឋាភិបាលអនុញ្ញាតឲ្យរថយន្តចំនួន៥ម៉ឺនគ្រឿងចូលក្នុងមួយឆ្នាំ ដូចពេលកន្លងមកនោះ អាជ្ញាធរពិតជាមានការលំបាកក្នុងការដោះស្រាយកាន់តែខ្លាំងឡើងៗតែម្តង។

ពាក់ពន្ធ័នឹងបញ្ហានេះដែរ អាជ្ញាធររាជធានីភ្នំពេញ បានដាក់សំណើរសុំឲ្យរាជរដ្ឋាភិបាល ដើម្បីសុំឲ្យផ្អាកការនាំចូលរថយន្តដែលប្រើរួចមួយទឹកៗ ចាប់ពីពេលនេះតទៅ គឺទុកឲ្យអ្នកមានលទ្ធភាពប្រើរបស់ថ្មី បើអ្នកមិនមានលទ្ធភាពប្រើរបស់ចាស់បន្ត ដោយមិនចាំបាច់នាំចូលបន្ថែម បើមិនអញ្ចឹងទេពិតជាទៅមិនរួចឡើយ ទោះបីមាននគរបាលប៉ុន្មាននាក់ក៏ដោះស្រាយបញ្ហានេះមិនរួចដែរ។ បញ្ហាកកស្ទះចរាចរណ៍នេះ រាជធានីភ្នំពេញ មិនអាចបណ្តែតបណ្តោយតទៅទៀតបានឡើយ ខណ:ដែលប្រពន្ធ័គមនាគមន៍មិនសមស្របទៅនឹងចំនួនយានជំនិះ ដែលកំពុងមានការកើនឡើងយ៉ាងគំហុកជាងរៀងរាល់ឆ្នាំនោះ។ រាជធានីភ្នំពេញជាកន្លែងដែលកកស្ទះចរាចរណ៍ជាងគេ មានរហូតដល់ជាង២០០ទីតាំង ក្នុងនោះការកកស្ទះខ្លាំងចាប់ពីម៉ោង៦ព្រឹកដល់ម៉ោង៨ព្រឹក និងម៉ោង៥ល្ងាច ដល់ម៉ោង៧យប់។ ហើយនៅភ្នំពេញមានបញ្ហាស្ទះ៣ គឺកត្តាស្ទះសំរាម ស្ទះលូ និងកកស្ទះចរាចរណ៍ ហើយខណ:នោះនគរបាលចរាចរណ៍ដែលបានបំពេញពលិកម្មទាំងកណ្តាលថ្ងៃភ្លៀង និងខ្យល់ ដែលមិនអាចខ្វះបាន។

ការកកស្ទះចរាចរណ៍មានកត្តាបីយ៉ាង គឺទី១ កត្តាហេដ្ឋារចនាសម្ព័ន្ធ ទី២កត្តមធ្យោបាយ និងទី៣កត្តាមនុស្ស គឺដែលមិនគោរពច្បាប់ចរាចរណ៍៕