ភ្នំពេញ: កម្លាំងសមត្ថកិច្ចនគរបាលព្រហ្មទណ្ឌកម្រិតធ្ងន់នៃស្នងការនគរបាលរាជធានីភ្នំពេញ បានបញ្ជូនជនសង្ស័យ២នាក់ទៅកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធី ពាក់ព័ន្ធករណីកាន់កាប់ និងដឹកជញ្ជូនអាវុធដោយគ្មានការអនុញ្ញាត។

សមត្ថកិច្ចបានឲ្យដឹងថា ជនសង្ស័យទី១ឈ្មោះ ប៊ុន ទី ហៅ តួ ភេទប្រុស អាយុ២៧ឆ្នាំ ជនជាតិខ្មែរ ទី២ឈ្មោះ ចាន់ វាសនា ហៅ ញៀវ ភេទប្រុស អាយុ៣០ឆ្នាំ ជនជាតិខ្មែរ និងទី៣ឈ្មោះ ដែន កំពុងរត់គេខ្លួន។ សមត្ថកិច្ចបន្តថា ជនសង្ស័យ២នាក់ត្រូវបានសមត្ថកិច្ចឃាត់ខ្លួនកាលពីយប់ថ្ងៃទី២៩ ខែវិច្ឆិកា ឆ្នាំ២០១៦ នៅចំណុចក្រោយវិទ្យាល័យព្រះយុគន្ធរ សង្កាត់បឹងកេងកង២ ខណ្ឌចម្ការមន ដោយដកហូតបានអាវុធខ្លីគ្មានលិខិតអនុញ្ញាតចំនួន១ដើម ម៉ាកកា៥៩ មានបង់ចំនួន១ និងគ្រប់ចំនួន១គ្រាប់។

បច្ចុប្បន្ន ជនសង្ស័យទាំង២នាក់ ត្រូវបានបញ្ជូនមកកាន់សាលាដំបូងរាជធានីភ្នំពេញ ដើម្បីចាត់ការតាមនីតិវិធីច្បាប់៕