ពោធិ៍សាត់ៈ ករណីគ្រោះថ្នាក់ចរាចរណ៍មួយបានកើតឡើង បណ្តាលឲ្យមនុស្ស២នាក់ស្លាប់ កាលពីវេលាម៉ោង៧និង១០នាទីព្រឹក ថ្ងៃទី៣ ខែធ្នូ ឆ្នាំ២០១៦ ត្រង់ចំណុចគីឡូម៉ែត្រលេខ ២១៨និង២១៩ ស្ថិតនៅភូមិស្វាយដូនកែវ១ ឃុំស្វាដូនកែវ ស្រុកបាកាន ខេត្តពោធិ៍សាត់។

សមត្ថកិច្ចបានឲ្យដឹង ក្នុងហេតុការណ៍គ្រោះថ្នាក់ចរាចរណ៍ខាងលើនេះបង្កដោយរថយន្ត១គ្រឿង ម៉ាកហ៊ីយ៉ាន់ដាយ ពណ៌ស ផ្លាកលេខ ភព03B-8877 មួយគ្រឿងបើកបរពីកើតទៅលិច បានបុកម៉ូតូ១គ្រឿង ម៉ាកC125 ពណ៌ខ្មៅ ផ្លាកលេខ ពោធិសាត់ 1D-2234 បើកបរក្នុងទិសដៅពីកកើតទៅលិចស្របគ្នា ខណៈពេលមកដល់ចំណុចខាងលើ ក៏បុកគ្នាតែម្តង បណ្ដាលឲ្យមនុស្សស្លាប់ចំនួន២នាក់។ សមត្ថកិច្ចបន្តថា ជនរងគ្រោះទី១-ឈ្មោះ ឈុំ សំអុល ភេទស្រី អាយុ ២៥ឆ្នាំ និងទី២-ឈ្មោះ ភា ផានិត ភេទប្រុស អាយុ២ឆ្នាំត្រូវជាកូន រស់នៅភូមិ ស្វាយដូនកែវ១ ឃុំស្វាយដូនកែវ ស្រុកបាកាន ខេត្តពោធិសាត់។ ចំណែកអ្នកបើកបររថយន្តបានរត់គេចខ្លួនបាត់។

បច្ចុប្បន្ន សពត្រូវបានប្រគល់ជូនក្រុមគ្រួសាររួចរាល់ ហើយវត្ថុតាងយកមករក្សាទុកនៅការិយាល័យចរាចរណ៍ផ្លូវគោកខេត្ត៕