ភ្នំពេញៈ រថយន្តបែនដឹកដីមួយគ្រឿងបើកក្នុងល្បឿនលឿន ហើយជ្រុលចង្កូតបុករះ រថយន្តមួយគ្រឿង និងម៉ូតូ៣គ្រឿង បណ្តាលឲ្យមនុស្សជិត១០នាក់ រងរបួសធ្ងន់និងស្រាល។

ករណីគ្រោះចរាចរណ៍ដ៏រន្ធត់នេះបានកើតឡើងកាលពីវេលាម៉ោងប្រមាណជា១២ថ្ងៃត្រង់ ទី៣ ខែធ្នូ ឆ្នាំ២០១៦នេះ ស្ថិតនៅតាមបណ្តោយផ្លូវជាតិលេខ៤ ទល់មុខសាលាក្តីខ្មែរក្រហម សង្កាត់កន្ទោក ខណ្ឌពោធិសែនជ័យ។

ប្រភពពីកន្លែងកើតហេតុបានឲ្យដឹងថា រថយន្តបង្ក ជាប្រភេទរថយន្តបែនដឹកដី ពាក់ស្លាកលេខ ភ្នំពេញ 3D-1268 បានបើកបុករះរថយន្តមួយគ្រឿងម៉ាកហាយឡែនឌ័រ និងម៉ូតូ៣គ្រឿងទៀត បណ្ដាលឲ្យមានអ្នករងរបួសជិង១០នាក់។

ភ្លាមៗនោះកម្លាំងសមត្ថកិច្ចបានចុះជួយអន្តរាគមន៍នៅកន្លែងកើតហេតុ ហើយទំនាក់ទំនងទៅរថយន្តសង្គ្រោះដឹកយកជនរងគ្រោះទៅកាន់មន្ទីរពេទ្យ៕