កណ្តាលៈ ជនសង្ស័យចំនួន២នាក់ ត្រូវបានកម្លាំងនគរបាលស្រុកស្នួល ធ្វើការចាប់ឃាត់ខ្លួន ដកហូតបានថ្នាំញៀនចំនួន៦កញ្ចប់ ដែលការចាប់ឃាត់ខ្លួននេះបានធ្វើឡើងកាលពីព្រឹកថ្ងៃទី៥ ខែធ្នូ ឆ្នាំ២០១៦ ស្ថិតនៅចំណុចភូមិក្បាលស្នួល ឃុំស្នួល ស្រុកស្នួល ខេត្តកណ្តាល។

លោកវរសេនីយ៍ត្រី ប៊ុត នឿន អធិការរងនគរបាលស្រុកស្នួលបានឲ្យដឹងថា ជនសង្ស័យទាំង២នាក់នេះ ទី១មានឈ្មោះ មាន ឡាដែត ភេទប្រុស អាយុ២៣ឆ្នាំ និងទី២ឈ្មោះ យាន សិរីរ័ត្ន ភេទប្រុស អាយុ២៣ឆ្នាំ ជនសង្ស័យទាំង២នាក់នេះ ជាមុខសញ្ញាជួញដូរគ្រឿងញៀន ស្នាក់នៅភូមិ-ឃុំខាងលើ។ ក្នុងនោះដែរ សមត្ថកិច្ចធ្វើការដកហូតបានគ្រឿងញៀនប្រភេទម៉ាទឹកកក បានចំនួន៦កញ្ចប់ រួមទាំងសម្ភារៈសម្រាប់ប្រើប្រាស់ និងជួញដូរមួយចំនួនទៀតផងដែរ។

បច្ចុប្បន្នជនសង្ស័យទាំង២នាក់ រួមនិងវត្ថុតាង ត្រូវបានសមត្ថកិច្ចឃុំខ្លួនបណ្តោះអាសន្ននៅអធិការដ្ឋាននគរបាលស្រុកស្នួល ដើម្បីកសាងសំណុំរឿងបន្តបញ្ជូនខ្លួនទៅកាន់ សាលាដំបូងខេត្តចាត់ការតាមផ្លូវច្បាប់៕