ភ្នំពេញៈ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានព្រមានទៅដល់អភិបាលខេត្តណាដែលមានមុខឡើងប្រជុំនៅភ្នំពេញក្នុងគ្រាដែលប្រជាពលរដ្ឋជួបបញ្ហាខ្វះទឹកនោះ អស់លោកនឹងត្រូវប្រឈរមុខជាមួយសម្តេច។
សម្តេចបានមានប្រសាសន៍បែបនេះ នៅក្នុងពិធីផ្សព្វផ្សាយសេចក្តីព្រៀងគោលនយោបាយជាតិ ប្រជាជនឆ្នាំ២០១៦ ដល់២០៣០ នៅវិមានសន្តិភាពថ្ងៃទី០៣ ខែឧសភា ឆ្នាំ២០១៦ ។
នៅក្នុងពិធីផ្សព្វផ្សាយគោលនយោបាយជាតិ ប្រជាជន សម្តេចតេជោ បានដាក់ចេញនូវផែនការដល់គ្រប់ខេត្តក្រុងត្រូវធ្វើបច្ចុប្បន្នភាពបញ្ហាទឹក រាល់ថ្ងៃជូនដល់ប្រជាពលរដ្ឋរហូតដល់មានបទបញ្ជាជាថ្មី។
សម្តេចបានបញ្ជាក់ថា បញ្ហាអាកាសធាតុនៅតែក្តៅខ្លាំងនិងមានភ្លៀងធ្លាក់នៅតំបន់មួយចំនួនក៏ពិតមែន ប៉ុន្តែវាគ្រាន់តែធ្វើឲ្យមានសំណើមដី និងទឹកដក់តិចតួចបន្តិចប៉ុណ្ណោះ ដូច្នេះ យើងត្រូវដោះស្រាយជូនដល់ប្រជាពលរដ្ឋឲ្យបានគ្រប់គ្រាន់៕
មតិយោបល់