ស្ទឹងត្រែងៈ នៅថ្ងៃទី១២ ខែធ្នូ ឆ្នាំ២០១៦ម្សិលមិញនេះ សាលាដំបូងខេត្តស្ទឹងត្រែង បានចេញដីកាបង្គាប់ឃុំខ្លួនតៃកុងរថយន្តម្នាក់ដាក់ពន្ធធានាគារបណ្តោះអាសន្នដោយចោទពីបទប្រើប្រាស់ស្លាកលេខក្លែងក្លាយដែលត្រូវបានអាវុធហត្ថខេត្តឃាត់និងចាប់ខ្លួន កាលពីយប់ថ្ងៃទី១០ ខែធ្នូ ឆ្នាំ២០១៦កន្លងទៅ។
ជនសង្ស័យដែលត្រូវជាប់ចោទខាងលើឈ្មោះ វង្ស វ៉ា រស់នៅភូមិអូរល្មៀត សង្កាត់ឡាបានសៀក ក្រុងបានលុង ខេត្តរតនគិរី។
បច្ចុប្បន្ន ជនសង្ស័យខាងលើត្រូវបានតុលាការចេញដីកាបង្គាប់ឃុំខ្លួនក្នុងពន្ធនាគាបណ្តោះអាសន្នរងចាំការស៊ើបអង្កេតបន្ត។
គួររំលឹកផងដែរថា កាលពីយប់ ថ្ងៃទី១០ ខែធ្នូ ឆ្នាំ២០១៦កន្លងទៅថ្មីៗនេះ អាវុធហត្ថខេត្តបានធ្វើការបង្ក្រាបរថយន្តដឹកឈើប្រណីត
១គ្រឿងម៉ាកឡង់គ្រីស័រ ពណ៌ខ្មៅ ពាក់ស្លាកលេខ(ខម ២-៥០៦១) ព្រមទាំងរឹបអូសបានឈើប្រណីតប្រភេទធ្នង់ ចំនួន១៨៣ដុំ ត្រង់ចំណុចភូមិក្របីជ្រុំ ឃុំក្បាលរមាស ស្រុកសេសាន ខេត្តស្ទឹងត្រែង៕
មតិយោបល់