កំពតៈ កម្លាំងនគរបាលព្រហ្មទណ្ឌខេត្តកំពត សហការជាមួយកម្លាំងនគរបាលស្រុក ដែលដឹកនាំដោយលោក វរៈសេនីយ៍ត្រី លក ញ៉ាវ នាយករិយាល័យព្រហ្មទណ្ឌកម្រិតស្រាល បានចុះបង្ក្រាបករណីចែកចាយគ្រឿងញៀនមួយ កាលពីនៅរសៀលថ្ងៃទី១៥ ខែធ្នូ ឆ្នាំ២០១៦ ត្រង់ចំណុចភូមិត្រពាំងស្លា ឃុំសំឡាញ ស្រុកអង្គរជ័យ ខេត្តកំពត។

សមត្ថកិច្ចឲ្យដឹងថា ជនសង្ស័យដែលឃាត់ខ្លួនបានទី១. ឈ្មោះ ជប់ វនាត ភេទប្រុស អាយុ២៦ឆ្នាំ រស់នៅភូមិត្រពាំងក្រណាត់ ឃុំត្រាំកក់ ស្រុកត្រាំកក់ ខេត្តតាកែវ និងទី២. ឈ្មោះ សែ សារ័ត្ន ភេទស្រី អាយុ២៩ឆ្នាំ នៅភូមិត្រពាំងស្លា ឃុំសំឡាញ ស្រុកអង្គរជ័យ។ ចំណែកវត្ថុតាងដកហូតបានរួមមាន ថ្នាំញៀនចំនួន៥កញ្ចប់(ធំ៣កញ្ចប់ និងតូច២កញ្ចប់)។

បច្ចុប្បន្ន ជនសង្ស័យទាំង២នាក់ ត្រូវបានបញ្ជូនទៅកាន់អធិការដ្ឋាននគរបាលដើម្បីកសាងសំណុំរឿងចាត់ការតាមនីតិវិធីច្បាប់៕