ភ្នំពេញៈ ក្រុមជនសង្ស័យ ពាក់ព័ន្ធនឹងករណីលួចម៉ូតូ​ចំនួន៣នាក់ ត្រូវបាន​កម្លាំងនគរបាល​ព្រហ្មទណ្ឌខណ្ឌដង្កោ សហការណ៍​ជាមួយ​ប៉ុស្តិ៍​ដង្កោ ឃាត់ខ្លួនជាបន្តបន្ទាប់ កាលពីវេលាម៉ោង​៨និង​១៥នាទី​ព្រឹកថ្ងៃទី១៦ ខែធ្នូ ឆ្នាំ២០១៦នេះ។

មន្រ្តី​នគរបាល​ខណ្ឌដង្កោបានឲ្យដឹងថា ក្រោយពេលពួកគេធ្វើសកម្មភាព​លួចម៉ូតូម៉ាក ZOOMER ស៊េរី២០១៧ បានសម្រេច ហើយជិះគេចខ្លួនបាត់ដោយសុវត្ថិភាពមួយរយៈ កម្លាំងបានធ្វើការស្រាវជ្រាវរហូតឈានដល់​ឃាត់​ខ្លួនជនសង្ស័យ​​ជាបន្តបន្ទាប់​ចំនួន៣នាក់ ចំណែក​បក្ខពួក​ដែលនៅសេសសល់​រួមទាំង​ម៉ូតូ​ ZOOMER ដែលជនសង្ស័យ​លួចយកទៅបាត់នោះ កម្លាំងកំពុងស្រាវជ្រាវតាមចាប់ខ្លួនជាបន្តទៀត។

បច្ចុប្បន្នជនសង្ស័យ​ទាំង៣នាក់ ត្រូវបានកម្លាំង​ព្រហ្មទណ្ឌខណ្ឌ​ដង្កោនាំខ្លួនមកសាកសួរ និងឃុំខ្លួន​បណ្ដោះអាសន្ននៅអធិការដ្ឋាន​ខណ្ឌដង្កោ ដើម្បី​កសាងសំណុំរឿងបញ្ជូនទៅតុលាការ​ចាត់ការបន្ត។ ចំណែកបក្ខពួកដែលនៅសេសសល់កម្លាំងព្រហ្មទណ្ឌ​ខណ្ឌនឹងសហការជាមួយកម្លាំងប៉ុស្តិ៍​នគរបានដង្កោ​ស្រាវជ្រាវ​ចាប់ខ្លួនមកផ្ដន្ទាទោសនៅពេលក្រោយ៕

https://youtu.be/hcB5xLj0C7w