ភ្នំពេញៈ គ្រោះថ្នាក់ចរាចរណ៍​រវាងរថយន្ត​ Lexus Rx330 ពណ៌ស្ករ​ ពាក់​ស្លាកលេខ​ភ្នំពេញ​ 2P-2159 បុកជាមួយម៉ូតូហុងដា C125 ស៊េរី2016 ស្លាកលេខភ្នំពេញ​ 1FW-5451 បណ្ដាលឲ្យបុរសម្នាក់ស្លាប់ និង២នាក់ទៀតរងរបួសធ្ងន់ស្រាល។

ហេតុការណ៍នេះ បានកើតឡើងកាលពីវេលាម៉ោង​១០និង៣០នាទីយប់​ថ្ងៃទី​១៧​ ខែធ្នូ​ ឆ្នាំ​២០១៦ នៅតាមបណ្តោយផ្លូវ២៧១ កែង​ផ្លូវ៤៨០ ម្ដុំវត្តសន្សំកុសល សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ​។

អ្នកស្លាប់មិនទាន់ស្គាល់​អត្តសញ្ញាណ​ឡើយទេ។ រីឯរថយន្តបើករត់តែត្រូវសមត្ថកិច្ច​ចាប់បាន។ ក្រោយកើតហេតុសមត្ថកិច្ច​ជំនាញ​បានចុះធ្វើការវាស់វែងនិងយក​មធ្យោបាយ​ទាំង២ ទៅរក្សាទុកនៅនគរបាលក្រុង ដើម្បីរង់ចាំធ្វើការដោះស្រាយបន្ត៕