ពោធិ៍សាត់ៈ បុរសវ័សចំណាក់ម្នាក់ បានខ្យល់គរដួលស្លាប់នៅលើភ្លឺស្រែ កាលពីវេលាម៉ោង៩ព្រឹកថ្ងៃទី ១៨ ខែធ្នូ ឆ្នាំ២០១៦ នៅចំណុចភ្លឺស្រែ ស្ថិតក្នុងភូមិត្រាំ ឃុំត្នោតជុំ ស្រុកក្រគរ ខេត្តពោធិ៍សាត់។
លោកអធិការស្រុកក្រគរបានឲ្យដឹងថា សាកសពមានឈ្មោះ សេង រ៉េន ភេទប្រុស អាយុ៥៨ឆ្នាំ ជនជាតិខ្មែរ រស់នៅភូមិឃុំកើតហេតុ មានប្រពន្ធឈ្មោះ ស៊ុន សុភាព អាយុ៥៤ឆ្នាំ មានកូនក្នុងបន្ទុកចំនួន៦នាក់ ស្រី៤នាក់។
លោកបន្តថា នៅមុនពេលកើតហេតុ ជនរងគ្រោះមានជំងឺប្រចាំកាយ ហើយទៅមើលកូនច្រូតស្រូវ ខណៈដើរដល់ពាក់កណ្ដាលផ្លូវ ជនរងគ្រោះក៏ដួលផ្កាប់ទៅក្នុងទឹក បណ្ដាលឲ្យស្លាប់តែម្ដង។ ក្រោយកើតហេតុលោកបានបញ្ជាឲ្យកម្លាំងចុះទៅពិនិត្យលើសាកសព បានបញ្ជាក់ថា ជនរងគ្រោះពិតជាស្លាប់ ដោយសារខ្យល់គរដួលផ្កាប់មុខចូលក្នុងទឹកស្លាប់ប្រាកដមែន។ ពិនិត្យចប់ សពត្រូវបានប្រគល់ជូនក្រុមគ្រួសារ ដើម្បីយកទៅធ្វើបុណ្យតាមប្រពៃណី៕
មតិយោបល់