ព្រះសីហនុៈ ជនបរទេសម្នាក់ ដេកស្លាប់ក្នុងបន្ទប់ មានសភាពហើមស្អុយ ទើបបង្កការភ្ញាក់កាលពីវេលាម៉ោង១១និង៣០នាទីថ្ងៃទី១៩ ខែធ្នូ ឆ្នាំ២០១៦នេះ នៅចំណុចបឹងកាឡូ COZY (ខូហ្សីរីសត) ក្រោយហាងខារ៉ាអូខេ “សៀងហៃ” ដែលស្ថិតនៅក្រុម១២ ភូមិ៤ សង្កាត់៤ ក្រុង/ខេត្តព្រះសីហនុ​​។

បើយោងតាមម្ចាស់បន្ទប់ឈ្មោះ ឈន និរតី ភេទស្រី អាយុ២៦ឆ្នាំ បានប្រាប់សមត្ថកិច្ចថា ជនរងគ្រោះ(សាកសព)ជាជនជាតិកាណាដា ភេទប្រុស អាយុប្រហែល៧៧ឆ្នាំ បានមកជួលបន្ទប់លេខ119 ស្នាក់ កាលពីថ្ងៃ២៩ ខែតុលា ឆ្នាំ២០១៦មកម្ល៉េះ។

សមត្ថកិច្ចក្រុងព្រះសីហនុបានឲ្យដឹងថា ពាក់ព័ន្ធការស្លាប់របស់បុរសជនជាតិកាណាដាខាងលើនេះ សមត្ថកិច្ចមិនទាន់អាចបញ្ជាក់ពីមូលហេតុនៃការស្លាប់នេះនៅឡើយទេ។

បច្ចុប្បន្នសាកសព កំពុង​រក្សាទុកនៅកន្លែងកើតហេតុ ដើម្បីរង់ចាំកម្លាំងជំនាញចុះធ្វើការកោសល្យវិច័យ៕