កោះកុងៈ យុវជនម្នាក់ បានប្រើប្រាស់ដាវសាំម៉ូរ៉ៃដេញកាប់គូទំនាស់ ត្រូវសមត្ថកិច្ចឃាត់ខ្លួនកាលពីវេលាម៉ោង៥ល្ងាចថ្ងៃទី១៨ ខែធ្នូ ឆ្នាំ២០១៦ នៅចំណុចសាលាវិទ្យាល័យស្រែអំបិល ភូមិត្រពាំង ឃុំស្រែអំបិល ស្រុកស្រែអំបិល ខេត្តកោះកុង។
សមត្ថកិច្ចបានឲ្យដឹងថា យុវជនបង្កឈ្មោះ នី សៀវធិន អាយុ១៨ឆ្នាំ មុខរបរ មិនពិតប្រាកដ នៅភូមិឃុំខាងលើ បានធ្វើសកម្មភាពយកដាវសាំម៉ូរ៉ៃដេញកាប់យុវជនឈ្មោះ ថុល សុធា អាយុ១៦ឆ្នាំ ខណៈចេញពីសាលារៀនមកផ្ទះ តែមិនបណ្តាលឲ្យរងរបួសឡើយ។
បច្ចុប្បន្នជនសង្ស័យ ត្រូវបានឃាត់ខ្លួននៅអធិការដ្ឋានគរបាលស្រុក ដើម្បីកសាងសំណុំរឿងបញ្ជូនទៅកាន់ស្នងការដ្ឋាននគរបាលខេត្តចាត់ការបន្ត៕
មតិយោបល់